Addaankayo Kadi Kadagiti Ministro a Babbai?

Wen. Amin a Saksi ni Jehova ket mangaskasaba wenno ministro​—agraman ti minilion a babbai. Kas naipadto iti Biblia, “dagiti babbai a mangibagbaga iti naimbag a damag ket dakkel a buyot.”​—Salmo 68:11.

Tultuladen dagiti babbai a Saksi ni Jehova ti ulidan dagiti babbai a nadakamat iti Biblia. (Proverbio 31:10-​31) Nupay saanda a mangidaulo iti kongregasion, naan-anay a makipaspasetda iti panangasaba iti publiko. Isursuroda met kadagiti annakda dagiti prinsipio ti Biblia. (Proverbio 1:8) Iti sao man ken aramid, ikagkagumaan dagiti babbai a Saksi ti agbalin a mapagwadan.​—Tito 2:​3-5.