Mabalinmo Kadi nga Awisen Ida?

Iti adu a kongregasion, adda dagiti agibumbunannag a limitado ti maar-aramidanda iti ministerio gapu iti nakaro a sakit wenno kinalakay wenno kinabaket. (2 Cor. 4:16) Mabalinmo kadi nga awisen ti maysa kadakuada a kumuyog kenka a mangyadal iti Biblia? No ti maysa nga agibumbunannag ket saanen a makapanaw iti balayna, nalabit mabalinmo nga ikondukta ti panagadal iti pagtaenganna. Mabalinmo met kadi a sagpaminsan nga iyurnos nga ikuyog a mangasaba wenno agsarungkar iti apagbiit laeng ti maysa nga agibumbunannag a nakapuy ti salun-atna? Adu a natataengan nga agibumbunannag ti aduanen iti kapadasan iti ministerio. Gapuna, saan la nga isuda ti maparegta no di ket uray sika pay. (Roma 1:12) Gunggonaanto met ni Jehova ti panangikagumaam a mangipakita iti ayatmo iti kasta a pamay-an.—Prov. 19:17; 1 Juan 3:17, 18.