Sirib Para iti Naragsak a Biag
“Nupay malidayanak no makakitaak kadagiti kinadakes iti lubong kas iti gubat, kinapanglaw, sakit, ken pannakamaltrato dagiti ubbing, napnuanak itan iti namnama.”—RANI.a
Nabirokan ti Rani ti pudpudno a ragsak idi naammuanna ti maipapan iti gubuayan ti pudno a sirib—ti Namarsua kadatayo, ti mannakabalin-amin a Dios. Bayat a basaem dagiti sumaruno nga artikulo, kitaem no kasano a matulongannaka dagiti pannursurona tapno . . .
maaddaanka iti naragsak a pamilia
maaddaanka iti natalna a relasion iti sabsabali
agbalinka a kontento
maawatam no apay nga agsagaba ken mataytayo
maaddaanka iti pudno a namnama iti masanguanan
maam-ammo ken sumingedka iti Namarsua kadatayo
Maammuam met a ti sirib ti Namarsua kadatayo ket saan laeng a para iti manmano no di ket iti amin a mangbirbirok iti dayta.
a Nabaliwan dagiti nagan iti daytoy a magasin.