BET-NIMRA

[Balay ti Leopardo].

Maysa nga ili a naituding iti tribu ni Gad iti makindaya a deppaar ti Jordan, naawagan met iti Nimra laeng. (Nu 32:3, 34, 36) Nadeskribir dayta kas adda “iti nababa a tanap” ken kas sigud a paset ti pagturayan ni Ari Sihon. (Jos 13:27) Ti nagkauna a nagan ket kasla nataginayon iti agdama a Tell Nimrim, nga adda iti makin-abagatan a deppaar ti Wadi Nimrin. Ngem ti dati nga ayanna ket nabatad nga idiay Tell Bleibil, agarup 2.5 km (1.5 mi) iti amianan a daya, nga adda iti makin-amianan a deppaar ti Wadi Nimrin, a paneknekan dagiti panagsukimat a napagnaedan dayta idi panawen dagiti Israelita sakbay a napanawan. No kasta, adda dayta iti agarup 19 km (12 mi) iti daya nga amianan-a-daya ti Jerico.