Nasaem nga Epekto ti Gubat
Ti maysa kadagiti kasasaeman a mapadasan ti maysa ket no karaman wenno biktima isuna iti gubat ken panaglalaban. Napaneknekan a mismo dayta dagiti soldado ken sibilian iti intero a lubong.
SOLDADO
“Makitkitam iti aglawlawmo dagiti tattao a natay wenno nakaro ti sugatna, isu a madanaganka a baka sika metten ti sumaruno.”—Gary, Britain.
“Napaltogan ti likudko ken ti rupak, ken adu ti nakitak a natay a pakairamanan dagiti ubbing, lallakay, ken babbaket. Gapu iti gubat, maksayan ti asim kadagiti marigrigatan.”—Wilmar, Colombia.
“No adda mapaltogan iti sanguanam, saan a maikkat dayta iti panunotmo. Kasla mangmangngegmonto latta ti panagik-ikkis ken panagas-asugna. Saanmonto a pulos malipatan dayta.”—Zafirah, United States.
SIBILIAN
“Panagkunak, saanakton a pulos nga agbalin a naragsak. Mabutengak a baka matayak, ngem mas mabutengak a matay dagiti kapamiliak ken gagayyemko.”—Oleksandra, Ukraine.
“Mabutbutengkami a makipila para iti makan manipud iti 2:00 ti parbangon agingga iti 11:00 ti rabii, ta baka matamaankami iti nayaw-awan a bala.”—Daler, Tajikistan.
“Gapu iti gubat, natay dagiti nagannakko ket awan man lang ti mangliwliwa kaniak. Awan metten ti mangaywan kaniak.”—Marie, Rwanda.
Uray no nasaem ti napadasan dagitoy nga indibidual gapu iti gubat, addaanda itan iti talna ti panunot. Kasta met, kombinsidoda nga asidegen nga agpatingga ti amin a gubat ken naranggas a panaglalaban. Iti daytoy nga isyu Ti Pagwanawanan, mailawlawag ti ibagbaga ti Biblia no kasano a mapasamak dayta.