Sálmur

72 Guð, feldu konunginum dóma þína

og syni konungs réttlæti þitt+

 2 svo að hann flytji mál þjóðar þinnar í réttlæti

og mál þinna bágstöddu með réttvísi.+

 3 Fjöllin færi þjóðinni frið

og hæðirnar réttlæti.

 4 Megi hann verja* hina bágstöddu meðal þjóðarinnar,

bjarga börnum fátækra

og kremja kúgarann.+

 5 Menn munu óttast þig eins lengi og sólin varir

og eins lengi og tunglið er til,

kynslóð eftir kynslóð.+

 6 Hann verður eins og regn sem drýpur á nýslegið gras,

eins og regnskúrir sem vökva jörðina.+

 7 Á hans dögum mun hinn réttláti blómstra+

og friðurinn verður allsráðandi+ þar til tunglið er ekki lengur til.

 8 Hann mun ríkja* frá hafi til hafs

og frá Fljótinu* til endimarka jarðar.+

 9 Þeir sem búa í eyðimörkinni falla fram fyrir honum

og óvinir hans sleikja duftið.+

10 Konungarnir frá Tarsis og eyjunum greiða skatt,+

konungar Saba og Seba koma með gjafir.+

11 Allir konungar skulu falla fram fyrir honum

og allar þjóðir þjóna honum

12 því að hann bjargar hinum fátæka sem hrópar á hjálp,

hinum bágstadda og þeim sem enginn hjálpar.

13 Hann mun finna til með bágstöddum og snauðum

og bjarga lífi fátækra.

14 Hann frelsar* þá undan kúgun og ofbeldi

því að blóð þeirra er dýrmætt í augum hans.

Menn biðji stöðugt fyrir honum

og blessi hann allan liðlangan daginn.

16 Gnóttir korns verða á jörðinni,+

jafnvel á fjallatindunum vex það í ríkum mæli.

Uppskera hans verður væn eins og Líbanonsskógur+

og í borgunum blómstrar fólk eins og gróður jarðar.+

17 Nafn hans vari að eilífu,+

orðstír hans vaxi eins lengi og sólin er til.

Fólk hljóti blessun* vegna hans,+

allar þjóðir hafi orð á því hve hamingjusamur hann er.

18 Lofaður sé Jehóva Guð, Guð Ísraels,+

hann einn vinnur undursamleg verk.+

19 Lofað sé dýrlegt nafn hans að eilífu+

og megi dýrð hans fylla alla jörðina.+