Orðskviðirnir
27 Hreyktu þér ekki af morgundeginum
því að þú veist ekki hvað dagurinn ber í skauti sér.+
3 Steinn er þungur og sandur sömuleiðis
en gremja af völdum heimskingja er þyngri en hvort tveggja.+
4 Heiftin er grimm og reiðin eins og flóð
en hver getur staðist afbrýðisemi?+
5 Betra er að ávíta opinskátt en leyna ást sinni.+
7 Saddur maður afþakkar* hunang
en í munni hins hungraða bragðast jafnvel hið beiska sætt.
8 Eins og fugl sem flýgur* burt úr hreiðrinu,
þannig er maður sem yfirgefur heimili sitt.
9 Olía og reykelsi gleðja hjartað,
hið sama er að segja um góðan vin sem gefur einlæg ráð.+
10 Yfirgefðu ekki vin þinn eða vin föður þíns
og stígðu ekki inn í hús bróður þíns á ógæfudegi þínum.
Betri er nágranni í nánd en bróðir í fjarska.+
12 Skynsamur maður sér hættuna og felur sig+
en hinir óreyndu ana áfram og fá að kenna á því.
13 Taktu skikkjuna af manni sem hefur gengið í ábyrgð fyrir ókunnugan,
14 Ef einhver blessar náunga sinn snemma morguns með hárri röddu
verður það metið sem bölvun.
15 Þrætugjörn* kona er eins og sífelldur þakleki á rigningardegi.+
16 Sá sem getur stöðvað hana getur stöðvað vindinn
og haldið á olíu í hægri hendi.
18 Sá sem hlúir að fíkjutré mun borða ávöxt þess+
og sá sem hugsar vel um húsbónda sinn hlýtur heiður.+
19 Andlit speglast í vatni
og menn spegla hjörtu hver annars.
21 Bræðslupotturinn er fyrir silfrið og ofninn fyrir gullið,+
eins er maðurinn reyndur þegar hann fær hrós.
22 Þótt þú steytir heimskingja með stauti
eins og korn í mortéli
mun heimskan ekki skilja við hann.
23 Þekktu útlit sauða þinna vel,
24 því að auður varir ekki að eilífu+
né kóróna um ókomnar kynslóðir.
25 Grængresið hverfur, nýgresið sprettur
og jurtum fjallanna er safnað.
26 Hrútlömb eru þér til klæðnaðar
og fyrir geithafra má kaupa akur.
27 Nóg verður til af geitamjólk handa þér
og til að framfleyta fjölskyldu þinni og þjónustustúlkum.