Tilkynningar

◼ Rit einkum boðin í febrúar: Þú getur lifað að eilífu í paradís á jörð fyrir 300 krónur. Mars: Lífið — varð það til við þróun eða sköpun? fyrir 300 krónur. Apríl og maí: Áskrift að Varðturninum og/eða Vaknið! Áskrift að Varðturninum kostar 200 krónur en að Vaknið! 70 krónur.

◼ Ritari safnaðarins og umsjónarmaður í forsæti ættu að fara yfir starfsemi allra reglulegra brautryðjenda. Ef einhver brautryðjandi á í erfileikum með að mæta þeim kröfum sem gerðar eru ættu öldungarnir að gera ráðstafanir til að honum verði veitt aðstoð. Tillögur varðandi þetta er að finna í bréfi Félagsins (S-201) frá 1. október 1992 og 1. október 1991 til öldungaráðanna. Sjá einnig tölugreinar 12-20 í viðaukanum við Ríkisþjónustu okkar (á ensku) fyrir ágúst 1986.

◼ Minningarhátíðin verður haldin þriðjudaginn 6. apríl 1993. Þó að ræðan megi hefjast fyrr skal þess gætt að brauðið og vínið sé ekki borið fram fyrr en eftir sólarlag. Gangið úr skugga um hvenær sólin gengur til viðar á ykkar svæði. Þennan dag skyldi ekki hafa neinar aðrar samkomur en samkomur til boðunarstarfsins (samansafnanir). Þeir söfnuðir, sem venjulega hafa samkomur í ríkissalnum á þriðjudögum, ættu að færa þær yfir á annan dag í vikunni ef salurinn er laus þá. Hvað varðar safnaðarbóknámið mætti annaðhvort færa það yfir á annan dag eða deila námsefninu niður á vikuna á undan og eftir.

◼ Boðberar, sem hafa í hyggju að þjóna sem aðstoðarbrautryðjendur í mars, apríl eða maí, ættu að gera áætlanir sínar sem fyrst og leggja inn umsóknir sínar tímanlega. Það mun hjálpa öldungunum að skipuleggja heppilegar samansafnanir og hafa nægilegar birgðir rita í söfnuðinum. Beiðni um stækkun (eða minnkun) á blaðapöntun safnaðar eða pöntun á aukablöðum af ákveðnum tölublöðum þarf að berast deildarskrifstofunni ekki síðar en 6 vikum fyrir útgáfudag.