Tilkynningar

◼ Rit einkum boðin í september: Bókin Þú getur lifað að eilífu í paradís á jörð. Október: Bókin Lífið — varð það til við þróun eða sköpun? eða eintök af Vaknið! eða Varðturninum. Bjóða má áskrift að blöðunum í endurheimsóknum. Nóvember: Bæklingurinn Ber Guð í raun umhyggju fyrir okkur? ásamt bókinni Er Biblían í raun og veru orð Guðs? Desember: Biblíusögubókin mín. ATHUGIÐ: Söfnuðir, sem vantar ofannefnd rit, ættu að panta þau á pöntunareyðublaðinu (S(d)-14). Gætið þess að panta nauðsynleg aukablöð fyrir blaðastarfið í október hafi það ekki þegar verið gert.

◼ Umsjónarmaður í forsæti, eða einhver sem hann tilnefnir, ætti að endurskoða reikningshald safnaðarins 1. september eða eins fljótt þar á eftir og hægt er. Lesið upp tilkynningu til safnaðarins þegar þessu er lokið.

◼ Boðberar, sem hyggjast vera aðstoðarbrautryðjendur í október, ættu að skila inn umsóknum sínum sem fyrst. Það mun auðvelda öldungunum að gera nauðsynlegar ráðstafanir hvað varðar rit og starfssvæði.

◼ Öldungarnir eru minntir á að framfylgja þeim leiðbeiningum sem gefnar eru á blaðsíðu 28-31 í Varðturninum frá 1. september 1991 varðandi brottrekna og þá sem hafa aðgreint sig en kunna að vilja koma inn í söfnuðinn aftur.

◼ Íslenska deildarskrifstofan hefur um árabil keypt biblíur á íslensku á heildsöluverði hjá Hinu íslenska Biblíufélagi og afgreitt síðan til safnaðanna á sama hátt og rit sem Varðturnsfélagið framleiðir sjálft. Sú breyting, sem varð á tilhögun við dreifingu ritanna 1. júlí síðastliðinn, kallaði einnig á breytta tilhögun hvað þetta varðar. Deildarskrifstofan mun eftir sem áður taka að sér að útvega og senda söfnuðunum íslenskar biblíur en aðeins sem „sendisveinn.“ Söfnuðirnir verða að senda greiðslu með hverri pöntun sem nemur upphæð þess sem pantað er. Slíkar greiðslur skulu ekki færðar inn á S(d)-20 eyðublaðið heldur haldið aðgreindum. Deildarskrifstofan mun senda söfnuðunum verðskrá Hins íslenska Biblíufélags og breytingar sem verða kunna á henni.

◼ Félagið er núna að framleiða innbundna árganga af Varðturninum á ensku fyrir árin 1970 til 1979 og er ætlunin að þeir verði sífellt fyrirliggjandi. Hver sá sem hefur áhuga á að eignast einn eða fleiri þessara árganga ætti að panta þá í bókaafgreiðslu safnaðarins. Hafið vinsamlega í huga að innbundnu árgangana þarf að panta sérstaklega vegna þess að ekki er ætlast til að söfnuðirnir liggi með birgðir af þeim.

◼ Fyrsta myndbandið af þremur með heitinu The Bible — Accurate History, Reliable Prophecy er núna fáanlegt hjá íslensku deildinni.