Tilkynningar

◼ Rit sem nota skal í febrúar: Þú getur lifað að eilífu í paradís á jörð. Mars: Fjölskyldulíf þitt gert hamingjuríkt. Apríl og maí: Varðturninn og Vaknið! ásamt einhverjum bæklingi. Ef áhugi reynist vera fyrir hendi í endurheimsókn mætti bjóða áskrift að blöðunum. ATHUGIÐ: Söfnuðir, sem vantar ofannefnd rit, ættu að panta þau á pöntunareyðublaðinu (S(d)-14).

◼ Ritari safnaðarins og starfshirðir ættu að fara yfir starfsemi allra reglulegra brautryðjenda. Ef einhver á í erfiðleikum að mæta þeim tímakröfum sem gerðar eru ættu öldungarnir að gera ráðstafanir til að honum verði veitt aðstoð. Tillögur varðandi þetta er að finna í bréfi Félagsins (S-201) frá 1. október 1993 og 1. október 1992. Sjá einnig tölugreinar 12-20 í viðaukanum við Ríkisþjónustu okkar (á ensku) fyrir ágúst 1986.

◼ Minningarhátíðin verður haldin laugardaginn 26. mars 1994. Þó að ræðan megi hefjast fyrr skal þess gætt að brauðið og vínið sé ekki borið fram fyrr en eftir sólarlag. Gangið úr skugga um hvenær sólin gengur til viðar á ykkar svæði. Þennan dag skyldi ekki hafa neinar aðrar samkomur en samkomur til boðunarstarfsins (samansafnanir).

◼ Boðberar, sem ætla að vera aðstoðarbrautryðjendur í mars, apríl eða maí, ættu að gera áætlanir sínar sem fyrst og leggja inn umsóknir sínar tímanlega. Það mun hjálpa öldungunum að skipuleggja heppilegar samansafnanir og hafa nægilegar birgðir rita í söfnuðinum. Beiðni um breytingu á blaðapöntun safnaðar eða pöntun á aukablöðum af ákveðnum tölublöðum þarf að berast deildarskrifstofunni ekki síðar en 8 vikum fyrir útgáfudag.

◼ Dagsetning næsta svæðismóts hefur verið færð fram um tvær vikur og verður dagana 16. og 17. apríl 1994.

◼ Nýtt tölvuforrit, GetVerse, er nú fáanlegt á disklingi. Það gerir notendanum kleift að flytja texta úr Nýheimsþýðingunni beint inn í flest DOS ritvinnsluforrit. GetVerse fæst aðeins á ensku á einum 5 1/4-tommu 360-kílóbæta eða 3 1/2-tommu 720-kílóbæta disklingi. Til að geta notað þetta forrit þarf að hafa eintak af New World Translation of the Holy Scriptures—With References eða New World Translation of the Holy Scriptures—With References/Insight on the Scriptures sem sett hefur verið upp í tölvunni og virkar.