Tilkynningar

◼ Rit til að nota í september: Bókin Þú getur lifað að eilífu í paradís á jörð. Leitast skal við að koma af stað biblíunámum með áhugasömu fólki. Október: Vaknið! og Varðturninn. Leggið ykkur sérstaklega fram við að útbreiða eintök af blöðunum. Bjóða mætti áskrift í endurheimsóknum ef einlægur áhugi kemur í ljós. Nóvember: Bæklingarnir Ber Guð í raun umhyggju fyrir okkur? eða Hver er tilgangur lífsins? ATHUGIÐ: Söfnuðir, sem vantar ofannefnd rit, ættu að panta þau á næsta mánaðarlega pöntunareyðublaðinu (S(d)-14).

◼ Umsjónarmaður í forsæti, eða einhver sem hann tilnefnir, ætti að endurskoða bókhald safnaðarins 1. september eða eins fljótt þar á eftir og mögulegt er. Ef tveir eða fleiri söfnuðir hafa sameiginlegan rekstrarsjóð skal einnig endurskoða hann. Tilkynna skal söfnuðinum þegar endurskoðuninni er lokið.

◼ Boðberar, sem hafa í hyggju að vera aðstoðarbrautryðjendur í október, ættu að leggja inn umsókn sína sem fyrst. Það gerir öldungunum kleift að gera þær ráðstafanir sem til þarf til þess að fyrir hendi sé nægilegt starfssvæði, svo og rit til að nota úti á akrinum.

◼ Öldungarnir eru minntir á að framfylgja þeim leiðbeiningum sem gefnar eru á blaðsíðu 28-31 í Varðturninum frá 1. september 1991 varðandi brottrekna og þá sem hafa aðgreint sig en hafa ef til vill hug á að koma inn í söfnuðinn á ný.

◼ Eins og tilkynnt var á landsmótinu „Glaðir menn sem lofa Guð“ er íslenska útgáfan af nýju bókinni Þekkingin sem leiðir til eilífs lífs í prentun í Þýskalandi og verður send til safnaðanna strax og hún berst til landsins. Bókin er einnig fáanleg frá íslensku deildarskrifstofunni á eftirfarandi tungumálum en þau eintök eru fyrst og fremst hugsuð fyrir þá sem ekki lesa íslensku sér að gagni: Dönsku, finnsku, færeysku, grænlensku, króatísku, norsku, pólsku, rússnesku, serbísku, spönsku, sænsku og þýsku.

◼ Bæklingurinn Vottar Jehóva og menntun er fáanlegur frá deildarskrifstofunni á dönsku, ensku, finnsku, sænsku og þýsku.