Þjónustusamkomur fyrir apríl

Vikan sem hefst 1. apríl

Söngur 11

10 mín: Staðbundnar tilkynningar og valdar tilkynningar frá Ríkisþjónustu okkar. Farið yfir greinina „Ætlar þú í sveitastarfið í sumar?“

20 mín: „Verum ‚kostgæfin til góðra verka‘ í vor.“ Starfshirðirinn fer yfir tölugreinar 1-10 með spurningum og svörum. Greinið frá (1) hvaða ráðstafanir söfnuðurinn hefur gert til að auka boðunarstarfið í apríl og maí, (2) hvernig hægt er að hjálpa öllum til að taka sem mestan þátt í starfinu þessa mánuði og (3) hvernig þeir sem eru nýir í trúnni eða ungir að árum geta verið með.

15 mín: „Leitum þeirra sem hneigjast til réttlætis.“ Lítið yfir tillögurnar að kynningarorðum og hafið síðan tvær sýnikennslur sem sýna hvernig nota megi þessar tillögur. Boðberarnir, sem hafa sýnikennslurnar, ættu að vera nægilega vel undirbúnir til að þurfa ekki að lesa þær upp af blaði. Vísið, eftir því sem tíminn leyfir, til nokkurra af tillögunum um að bjóða blöðin sem settar eru fram í Ríkisþjónustu okkar fyrir september 1995, blaðsíðu 5. Minnið boðberana á að nefna við hvert tækifæri að við þiggjum frjáls framlög til stuðnings alþjóðastarfinu.

Söngur 28 og lokabæn.

Vikan sem hefst 8. apríl

Söngur 16

15 mín: Staðbundnar tilkynningar. Reikningshaldsskýrslan. Hrósið söfnuðinum fyrir framlög hans og rifjið upp fyrir hvaða framlög hver hinna mismunandi bauka (yfirleitt þrír) í söfnuðinum er ætlaður. Ræðið hvaða hagnýtar leiðir við getum farið til að hjálpa nýju fólki, sem sótti minningarhátíðina, að taka frekari andlegum framförum. Rifjið upp efnið í Varðturninum frá 1. september 1991, blaðsíðu 10-13.

15 mín: „Veitum heilaga þjónustu dag og nótt.“ Spurningar og svör. Dragið skýrt fram aðalatriðin og lesið tölugrein 5 og 6.

15 mín: „Verum ‚kostgæfin til góðra verka‘ í vor.“ Farið yfir tölugrein 11-15 með spurningum og svörum. Hvetjið alla að skoða vandlega persónulegar aðstæður sínar og leita leiða til að taka enn meiri þátt í boðunarstarfinu.

Söngur 76 og lokabæn.

Vikan sem hefst 15. apríl

Söngur 62

10 mín: Staðbundnar tilkynningar. Minnið áheyrendurna á sérræðuna hinn 21. apríl sem ber heitið „Verum flekklaus meðal rangsnúinnar kynslóðar.“ Hvetjið alla til að leggja sig sérstaklega fram við að bjóða fólki á ræðuna og aðstoða þá sem þarfnast hjálpar við að komast til ríkissalarins.

15 mín: „Tímarnir hafa breyst.“ Spurningar og svör. Leggjið áherslu á að kynna boðskapinn um Guðsríki á þann hátt að viðmælendur okkar finnist hann tengjast þeirra brýnustu þörfum og koma þeim að notum í daglega lífinu. Nefnið einhver málefni sem snerta fjölskylduna og samfélagið og eru ofarlega í hugum fólks, eins og fram kemur í Varðturninum frá 1. janúar 1994, blaðsíðu 18-19.

20 mín: „Trúin kemur af boðuninni.“ Ræðið um hvernig fara má aftur til þeirra sem þáðu blöðin til þess að vekja upp hjá þeim aukinn áhuga sem gæti leitt til biblíunáms þar sem Þekkingarbókin er notuð sem kennslubók. Sýnið með sýnikennslum hvernig nota megi tvenn eða þrenn af kynningarorðunum.

Söngur 109 og lokabæn.

Vikan sem hefst 22. apríl

Þjónustusamkoman fellur niður vegna svæðismóts í Kópavogi daganna 27. og 28. apríl.

Vikan sem hefst 29. apríl

Söngur 4

15 mín: Staðbundnar tilkynningar. Rifjið upp nokkur helstu atriðin sem fram komu í sérræðunni. Ræðið um hvernig sú hvatning, sem þar kom fram, ætti að fá áhugasamt fólk til að taka einbeitta afstöðu með sannri tilbeiðslu. Vekið líka athygli á greininni „Höldum áfram að vaxa í nákvæmri þekkingu“ og leggjið áherslu á mikilvægi þess að sækja bóknámið að staðaldri og undirbúa sig vel.

12 mín: Spurningakassinn. Ræða öldungs. Útskýrið hvenær viðeigandi sé að nota ávarpsorðin „bróðir“ og „systir“ og af hverju sá bróðir, sem stjórnar samkomunni, ætti að forðast óviðeigandi kumpánlegheit eins og þau að nota styttingar eða gælunöfn þegar hann ávarpar samkomugesti.

18 mín: Bjóðum Varðturninn og Vaknið! í maí. Notum aðeins eitt blað til kynningar í hvert sinn. Á þeim starfssvæðum, sem farið er oft yfir, má nota hvaða bækling sem við á hverju sinni. Haldið skrá yfir alla sem þiggja blöð með það markmið í huga að koma ykkur upp blaðaleið. Bjóða má áskrift þeim sem halda áfram að sýna áhuga þegar við komum aftur með ný tölublöð. Leggið áherslu á að blaðadreifingin getur komið að varanlegu gagni þar sem hún er ein af áhrifaríkustu leiðunum til að koma boðskapnum um Guðsríki til almennings. Við skulum ávallt gæta þess að hafa nóg af blöðum þegar við förum út í boðunarstarfið og bjóða þau við hvert tækifæri. Góð leið til að auka blaðadreifingu sína er að skipuleggja starfið þannig að tækifæri gefist til að fara vikulega í blaðastarfið. Það gefur líka góða raun að fara með blöðin í búðastarfið og götustarfið. Fylgið áhuganum eftir með endurheimsóknum sem miða að því að stofna biblíunám og notið til þess Þekkingarbókina. Hafið eina eða tvær sýnikennslur þar sem nýjustu tölublöðin eru boðin, og nota mætti kynningarorð sem er að finna í Ríkisþjónustu okkar fyrir september 1995, blaðsíðu 3, tölugrein 3-5. Lesið tölugrein 6.

Söngur 105 og lokabæn.