Tilkynningar

◼ Ritatilboðið í janúar: Bókin Þú getur lifað að eilífu í paradís á jörð eða bókin Lífið — varð það til við þróun eða sköpun? Febrúar: Bókin Fjölskyldulíf þitt gert hamingjuríkt. Mars: Bókin Þekking sem leiðir til eilífs lífs. Sérstakt átak verður gert til að koma af stað heimabiblíunámskeiðum. Apríl: Einstök tölublöð af Varðturninum og Vaknið! Hafið Kröfubæklinginn við höndina til að bjóða áhugasömum og reynið að koma af stað heimabiblíunámskeiðum.

◼ Öllum skírðum boðberum, sem viðstaddir verða á þjónustusamkomunni í vikunni er hefst 4. janúar, verða afhent blóðkort (Upplýsingar um læknismeðferð/Blóðgjöf óheimil) og Nafnskírteini fyrir börn sín.

◼ Söfnuðir ættu að gera ráðstafanir til að halda minningarhátíðina eftir sólsetur fimmtudaginn 1. apríl næstkomandi. Enda þótt ræðan geti hafist fyrr á ekki að bera fram brauðið og vínið fyrr en sól er sest. Sólsetur á Reyðarfirði er kl. 19:49, á Akureyri kl. 20:06 og á Suðurlandi og suðvesturhorni landsins er sól alls staðar sest kl. 20:20. Þótt æskilegt sé að hver söfnuður haldi eigin minningarhátíð er ekki víst að það sé alltaf gerlegt. Á stöðum þar sem nokkrir söfnuðir nota sama ríkissal gæti ef til vill einn söfnuður eða fleiri orðið sér úti um annað húsnæði þetta kvöld. Þar sem því verður við komið ættu minnst 40 mínútur að líða á milli samkoma svo að tími sé til að heilsa gestum, hvetja þá sem nýlega hafa fengið áhuga og til að hafa fullt gagn af hátíðinni. Taka ber tillit til hugsanlegra umferðartafa, skorts á bílastæðum og góðu aðgengi til að koma með og sækja farþega. Öldungaráðið ætti að ákveða hvernig best sé að standa að málum í sínu byggðarlagi.

◼ Sérræðan fyrir minningarhátíðartímabilið 1999 verður flutt sunnudaginn 18. apríl og heitir: „Sönn vinátta við Guð og náungann.“ Ræðuuppkast verður sent. Ef farandhirðisheimsókn stendur yfir þessa helgi í einhverjum söfnuði skal flytja sérræðuna tveim vikum síðar þar sem svæðismótið verður helgina 24.-25. apríl. Sérræðuna á ekki að flytja í neinum söfnuði fyrir 18. apríl 1999.

◼ Í apríl og maí verða blöðin tilboð mánaðarins. Margir boðberar munu eflaust gerast aðstoðarbrautryðjendur eða auka starf sitt á einhvern hátt á þessu tímabili. Við viljum þess vegna hvetja alla söfnuði til að kanna ítarlega hversu mörg aukablöð þeir þarfnist þessa mánuði. Blaðaþjónninn og starfshirðirinn gætu haft samband við boðbera til að grennslast fyrir um áform þeirra og hvetja þá til að auka blaðapöntun sína í apríl og maí. Til þess að hægt sé að auka við upplagið í prentsmiðjunni í Selters, Þýskalandi, þurfa aukapantanir að berast Félaginu í síðasta lagi föstudaginn 29. janúar fyrir Varðturninn 1. apríl og Vaknið! apríl-júní, og föstudaginn 26. febrúar fyrir Varðturninn 1. maí. Vinsamlegast notið eyðublaðið Blaðapöntun safnaða (M(d)-202-IC).

◼ Á landsmótinu „Lífsvegur Guðs“ var tilkynnt um útgáfu nýs bæklings á íslensku, Taktu framförum í ræðumennsku og kennslutækni. Bæklingurinn er þýðing á köflunum 20 til 38 í bókinni Theocratic Ministry School Guidebook þar sem fjallað er um þjálfunarstigin á Ráðleggingakortinu í Guðveldisskólanum. Við hvetjum alla boðbera til að notfæra sér þetta hjálpargagn vel. Það er til dæmis vel við hæfi að lesa kaflana sem vinna á að fyrir hverja nemendaræðu. Þar að auki viljum við að sjálfsögðu kynna okkur allt innihald bæklingsins okkur til fróðleiks. Að hafa þessar hagnýtu ráðleggingar á íslensku á sannarlega eftir að reynast okkur vel þegar við keppum að því að taka framförum í ræðumennsku og kennslutækni. — 1. Tím. 4:15.