Vantar þig Árbækur í bókasafnið?

Hver einasta Árbók votta Jehóva er fjársjóður. Ánægjulegar og uppbyggjandi frásögur frá boðunarstarfinu styrkja það traust okkar að Jehóva blessi okkur, leiðbeini og verndi. Við eigum birgðir af enskum útgáfum af Árbókinni frá árunum 1993 og 1995-2000. Í þessum Árbókum eru spennandi lýsingar á sögu boðunarstarfsins í löndum eins og Benín, Brasilíu, Bretlandi, Danmörku, Gvadelúpeyjum, Hondúras, Japan, Kýpur, Madagaskar, Malasíu, Malaví, Martiník, Mexíkó, Míkrónesíu, Mósambik, Paragvæ, Púertóríkó, Tékklandi, Ungverjalandi, Úrúgvæ, Venesúela og Þýskalandi. Athugaðu hvort þig vantar einhverjar af þessum Árbókum í bókasafnið þitt. Skólahirðirinn ætti líka að athuga hvort þær eru til í bókasafni ríkissalarins. Einnig er nokkuð til af Árbókum á dönsku (1990-2000), norsku (1994, 1996, 1999, 2000) og sænsku (1995, 1996, 1997, 1999, 2000). Boðberar eða söfnuðir, sem vilja fá þessar Árbækur, geta pantað þær hjá bókaþjóni safnaðarins.