Frábærar viðtökur
1 Kristnar fjölskyldur um allan heim hafa látið í ljós þakklæti sitt fyrir myndbandið Young People Ask — How Can I Make Real Friends? (Ungt fólk spyr — hvernig get ég eignast sanna vini?) Faðir í Bandaríkjunum sagði að synir sínir hefðu setið hljóðir eftir að hafa horft á það, allt á myndbandinu höfðaði til þeirra. Í greinargerð frá Malaví segir að það höfði einnig til ungra bræðra og systra þar í landi vegna þess að þau finna fyrir sama þrýstingi frá skólafélögunum. Faðir í Þýskalandi sagði um myndbandið: „Ég lít á það sem svar við bænum mínum.“ Unglingur sagði: „Ég þakka ykkur fyrir að minna mig á að Jehóva þykir vænt um mig.“ Öldungur á Nýja-Sjálandi sagði: „Það hjálpaði einum af unglingunum okkar að komast aftur inn á veginn til lífsins.“ Gift kona horfði á það og sagði: „Ég vona að hver einasti unglingur í sannleikanum sjái þetta myndband og finnist hann knúinn til að tileinka sér sannleikann.“ Fjölskyldur, hvers vegna ekki að horfa aftur á myndbandið og ræða svo í sameiningu um eftirfarandi spurningar?
2 Inngangur: Hvað er sannur vinur? — Orðskv. 18:24.
3 Það sem hindrar vináttu: Hvernig getur þú komist yfir þá tilfinningu að finnast þú vera útundan? (Fil. 2:4) Hvers vegna verðurðu að vera fús til að bæta persónuleika þinn og hver getur hjálpað þér til þess? Hvað gefur þér tækifæri til að eignast fleiri vini og hvar er þá að finna? — 2. Kor. 6:13.
4 Vinátta við Guð: Hvernig geturðu ræktað samband við Jehóva og hvers vegna er það erfiðisins virði? (Sálm. 34:9) Hver er best til þess fallinn að styrkja samband þitt við Guð?
5 Óheppilegir vinir: Hvað er vondur félagsskapur? (1. Kor. 15:33) Hvernig getur rangur félagsskapur leitt til andlegs skipbrots? Hvaða lærdóm dregur þú af frásögu Biblíunnar um Dínu? — 1. Mós. 34:1, 2, 7, 19.
6 Leikrit úr nútímanum: Hvaða áhrif hafði einmanaleiki á Töru? Hvernig réttlætti hún félagsskap við veraldlega unglinga? Í hvaða hættum lenti hún vegna félagsskaparins? Hvers vegna tóku foreldrar hennar ekki eftir hættunni sem hún var í en með hvaða hugarfari hjálpuðu þeir henni að ná sér andlega? Hvernig reyndist brautryðjandasystir vera sannur vinur Töru? Hvers vegna verða kristnir menn að fara eftir Orðskviðunum 13:20 og Jeremía 17:9? Hvaða mikilvægu lexíu lærði Tara?
7 Niðurstaða: Hvað lærðir þú af myndbandinu? Hvernig getur þú notað það til að hjálpa öðrum? — Sálm. 71:17.