Þjónustusamkomur

Vikan sem hefst 12. maí

Söngur 1

10 mín.: Staðbundnar og valdar tilkynningar úr Ríkisþjónustu okkar. Sviðsetjið síðustu tillöguna á bls. 8.

20 mín.: Foreldrar — hjálpið börnunum að taka framförum. Ræða byggð á Boðunarskólabókinni bls. 9-12 og 21-38. Hvetjið foreldra til að nota eitthvað af þessu efni í fjölskyldunáminu með það fyrir augum að þjálfa börnin áfram í boðunarstarfinu. Beinið athyglinni sérstaklega að þeim atriðum sem stuðla að framförum barna og unglinga.

15 mín.: „Trúað fyrir fagnaðarerindinu“* Biðjið einn eða tvo boðbera fyrir fram um að greina frá hvernig þeim tókst að hagaræða einkamálum sínum þannig að þeir gætu aukið hlut sinn í boðunarstarfinu.

Söngur 46 og lokabæn.

Vikan sem hefst 19. maí

Söngur 62

15 mín.: Staðbundnar tilkynningar og reikningshaldsskýrslan. Ræðið greinina „Bygging ríkissala í nokkrum Evrópulöndum.“ Bendið á að ríkissalasjóðurinn styðji byggingu ríkissala bæði í löndum þar sem fjárhagur er bágur og á Íslandi.

15 mín.: Hvernig gagnast hann þér? Umræður við áheyrendur í umsjón skólahirðis. Í janúar var Boðunarskólinn færður í nýjan búning. Farið nokkrum orðum um það sem var nýtt í skólanum. Bendið á hvaða gagn hefur hlotist af því hingað til. Hafa fleiri innritað sig í skólann? Hafa boðberar verið fúsari en áður til þátttöku? Hvernig hefur nýtt form á ráðgjöfinni komið nemendum að góðum notum? Bjóðið áheyrendum að tjá sig um það gagn sem þeir hafa haft af Boðunarskólanum hingað til og um þær framfarir sem þeir vonast eftir að taka í framtíðinni.

15 mín.: „Lofum Jehóva með því að vitna óformlega.“ Ræða með þátttöku áheyrenda. Þegar farið er yfir grein 3, spyrjið áheyrendur hvað hægt sé að segja til að koma af stað biblíulegum umræðum við eftirfarandi aðstæður: (1) Í biðröð við afgreiðslukassa. (2) Í almenningsfarartæki. (3) Hjá nágranna sem er að vinna í garðinum. (4) Hjá vinnufélaga. (5) Hjá skólafélaga. Biðjið einhvern fyrir fram um að segja frá hvernig honum eða henni hefur tekist vel að vitna óformlega.

Söngur 135 og lokabæn.

Vikan sem hefst 26. maí

Söngur 174

8 mín.: Staðbundnar tilkynningar. Minnið boðbera á að skila inn starfsskýrslu fyrir maí. Notið tillögurnar á bls. 8 og sýnið hvernig bjóða má Varðturninn 1. júní og Vaknið! apríl-júní. Í báðum tilfellum ætti að bjóða bæði blöðin saman jafnvel þótt aðeins annað sé kynnt. Önnur kynningin ætti að enda á því að húsráðanda, sem þáði ekki blöðin, er boðið smáritið Langar þig að vita meira um Biblíuna?

17 mín.: „Það er gagnlegt að svara á samkomum.“* Í umsjón öldungs. Leggið áherslu á að það sé eðlilegt að allir taki þátt í samkomum þar sem gert er ráð fyrir þátttöku áheyrenda. Vísið í rammann á bls. 70 í Boðunarskólabókinni og hvetjið alla til að setja sig inn í hvernig maður gefur góð svör. Fullvissið áheyrendur um að Jehóva vilji hjálpa þeim sem eiga erfitt með að svara.

20 mín.: „Orð Guðs er sannleikur.“* Notið námsspurningarnar. Bjóðið áheyrendum að segja frá hvernig þeir áttu auðveldara með að kynnast sannleikanum þegar boðberar notuðu Biblíuna til að svara spurningum. Þegar farið er yfir grein 6 biðjið þá hæfan boðbera að sýna hvernig hægt er að nota Biblíuna í fyrstu heimsókn. Hann á að nota tillöguna í greininni „Farðu rétt með orð Guðs.“ — km 12.01, bls. 1, gr. 3-4.

Söngur 188 og lokabæn.

Vikan sem hefst 2. júní

Söngur 210

10 mín.: Staðbundnar tilkynningar. Rifjið upp eina eða tvær tillögur úr Ríkisþjónustu okkar fyrir janúar 2002 um hvernig bjóða má Kröfubæklinginn og Þekkingarbókina.

20 mín.: Heiðvirt hjónaband — krafa Guðs. Ræða og umræður við áheyrendur. Víða um heim er það ekki óvenjulegt að par búi saman án þess að vera löglega gift. Sumir segja að það hafi ýmsa kosti í för með sér. Beinið athyglinni að sjónarmiði Biblíunnar og leggið áherslu á að hjónabandið eigi uppruna sinn hjá Guði. (rs bls. 248-9) Að búa saman án þess að vera gift er hórdómur. (fy bls. 17) Gagnstætt því sem margir trúa sýna rannsóknir að sambúð fyrir hjónaband minkar líkurnar á því að hjónabandið heppnist. (gE02 8.3. bls. 29; gE92 8.9. bls. 28; gE91 8.5. bls. 28) Kristnir menn heiðra Jehóva með því að fylgja stöðlum hans og njóta gagns af því sjálfir. — Jes. 48:17, 18.

15 mín.: Góðar fréttir eru gleðigjafi. (Orðskv. 15:30) Umræður við áheyrendur þar sem gerð er grein fyrir því sem áorkað var í mars, apríl og maí. Biðjið safnaðarboðbera um að segja hvetjandi frásögur af starfinu sem lögð hefur verið sérstök áhersla á undanfarið. Þar má nefna: (1) að aðstoða áhugasaman einstakling til að vera viðstaddur minningarhátíðina, (2) að þjóna sem aðstoðarbrautryðjandi, (3) að hvetja óvirkan boðbera til að starfa að nýju með söfnuðinum, (4) að hjálpa nýjum að taka þátt í boðunarstarfinu og (5) fylgja eftir og hlúa að áhuga þeirra sem sóttu minningarhátíðina. Undirbúið nokkrar athugasemdir fyrir fram. Hrósið boðberum og hvetjið þá til að halda ótrauðir áfram að sinna þessum málum í framtíðinni.

Söngur 225 og lokabæn.

* Hafið inngangsorðin skemmri en eina mínútu og farið yfir greinina með spurningum og svörum.