Nýttu þér myndbandið No Blood — Medicine Meets the Challenge

Hefurðu kynnt þér vel þá möguleika sem eru á að veita læknismeðferð án blóðgjafar? Ertu vel heima í þeim aðferðum sem beitt er í stað blóðgjafa og veistu hvernig þær virka? Horfðu á myndbandið No Blood — Medicine Meets the Challenge (Læknismeðferð án blóðgjafar — þörfinni svarað) og notaðu eftirfarandi spurningar til að reyna þekkingu þína. Athugið: Á myndbandinu eru stutt myndskeið sem tekin eru á skurðstofum þannig að foreldrar ættu að hugleiða fyrir fram hvort ráðlegt sé að ung börn sjái það.

(1) Hver er aðalástæðan fyrir því að vottar Jehóva þiggja ekki blóðgjafir og hvar er þessa meginreglu að finna í Biblíunni? (2) Hverju óskum við eftir varðandi læknismeðferð? (3) Hvaða grundvallarréttindi hafa allir sjúklingar? (4) Af hverju er það skynsamleg og ábyrg afstaða að þiggja ekki blóðgjöf? (5) Hvað tvennt er áríðandi fyrir lækna að gera þegar sjúklingur missir mikið blóð? (6) Hvaða áhætta er samfara blóðgjöfum? (7) Nefndu nokkrar aðferðir sem skurðlæknar geta beitt til að draga úr blóðmissi við skurðaðgerðir. (8) Hvaða upplýsingar ættirðu að fá um hverja þá meðferð sem beitt er í stað blóðgjafar? (9) Er hægt að gera flóknar skurðaðgerðir án blóðgjafar? (10) Hvað eru læknar í vaxandi mæli fúsir til að gera fyrir votta Jehóva og hvað verður kannski talin sjálfsögð meðferð fyrir alla sjúklinga þegar fram líða stundir?

Það er einstaklingsbundið hvort menn þiggja þau úrræði, sem sýnd eru á myndbandinu, og háð samvisku hvers og eins. — Sjá Varðturninn, 1. ágúst 2004, bls. 26-28, 1. júlí 2000, bls. 29-31 og 1. desember 2000, bls. 30-31.