Myndband sem verðskuldar athygli okkar
„Þetta myndband fær mann svo sannarlega til að hugsa.“
„Það hitti beint í mark.“
„Ég varð mjög hrærður.“
1 Var þér þannig innanbrjósts eftir að hafa horft á myndbandið Young People Ask—How Can I Make Real Friends? (Ungt fólk spyr — hvernig get ég eignast sanna vini?) Fyrir fáeinum árum gekk ungur bróðir í gegnum erfiðleika sem mátti rekja til þess hvers konar vini hann hafði valið sér. Þeir áttu þátt í því að hann missti áhugann á sannleikanum sem leiddi síðan til þess að hann glataði sambandinu við Jehóva. Um svipað leyti kom út myndbandið um sanna vini. Hann skrifaði: „Ég horfði á myndbandið margsinnis og tárin runnu niður kinnarnar. Ég þakkaði Jehóva fyrir hjálp á réttum tíma.“ Myndbandið hvatti hann til þess að snúa við blaðinu og finna sér betri félagsskap. Hann bætti við: „Það er augljóst að þið eruð vakandi fyrir því sem unglingar eru að kljást við núna.“ Foreldrar og unglingar, væri ekki upplagt að horfa aftur á myndbandið í næsta fjölskyldunámi? Gerið hlé eftir hvern hluta og tjáið ykkur opinskátt og hreinskilningslega um spurningarnar í eftirfarandi efnisgreinum.
2 Inngangur: Hvað er sannur vinur? — Orðskv. 18:24.
3 Hindranir sem standa í vegi fyrir því að maður eignist vini: Hvað geturðu gert ef þér finnst þú vera útundan? (Fil. 2:4) Hvers vegna verðurðu að vera fús til að bæta persónuleika þinn og hver getur hjálpað þér til þess? Hvað gerir þér kleift að eignast fleiri vini og hvar er þá að finna? — 2. Kor. 6:13.
4 Vinátta við Guð: Hvernig geturðu ræktað náið samband við Jehóva og hvers vegna er það erfiðisins virði? (Sálm. 34:9) Hver er best til þess fallinn að styrkja vináttu þína við Guð?
5 Óheppilegir vinir: Hvers konar félagsskapur er slæmur? (1. Kor. 15:33) Hvernig getur vondur félagsskapur brotið niður trúna? Hvaða lærdóm geturðu dregið af frásögn Biblíunnar um Dínu? — 1. Mós. 34:1, 2, 7, 19.
6 Leikrit: Hvaða áhrif hafði einmanaleikinn á Töru? Hvernig réttlætti hún félagsskap við unglinga í heiminum? Í hvaða hættu settu þeir hana? Hvers vegna tóku foreldrar hennar ekki eftir þeirri hættu sem hún var komin í en hvernig breyttu þeir viðhorfi sínu til þess að geta hjálpað henni að ná sér á strik? Hvernig reyndist brautryðjandasystir ein vera sönn vinkona Töru? Hvers vegna verðum við að gefa gaum að Orðskviðunum 13:20 og Jeremía 17:9? Hvaða mikilvægu lexíu lærði Tara?
7 Niðurstaða: Hvað lærðir þú af myndbandinu? Hvernig geturðu notað það til að hjálpa öðrum? — Sálm. 71:17.