„Þetta er frábært kennslumyndband!“

SOO-JEONG er námsráðgjafi í framhaldsskóla í Suður-Kóreu. Hún hefur notað myndbönd af vefsíðunni jw.org í kennslustundum. Hún segir: „Nemendurnir voru stórhrifnir af myndbandinu Hvernig eru sannir vinir? Ég heyrði athugasemdir eins og: ,Ég hef aldrei hugsað um vináttu á þennan hátt. Þetta er frábært kennslumyndband!‘ Sumir nemendurnir voru staðráðnir í að nota vefsíðuna þegar þá vantaði góð ráð.“ Soo-jeong bætir við: „Ég hef bent mörgum öðrum kennurum á myndbandið og þeir eru ánægðir með að geta notað þetta góða hjálpargagn í kennslunni.“

Margir nemendur í Suður-Kóreu hafa einnig haft gagn af töfluteikningunni Þú getur sigrast á einelti án þess að nota hnefana. Fyrirlesari sýndi hópi nemenda myndbandið. Hún starfar með stofnun sem vinnur að því að draga úr ofbeldi meðal unglinga og segir: „Myndbandið nær athygli margra unglinga vegna þess hve aðlaðandi teikningarnar eru.“ Og hún bætir við: „Þar að auki er myndbandið gagnlegt því að það sýnir bæði hvernig hægt er að takast á við ofbeldi og koma í veg fyrir það.“ Stofnunin bað um leyfi til að nota myndbandið í fyrirlestrum sem fluttir eru í mörgum grunnskólum. Leyfið var veitt. Jafnvel lögreglan notar myndbönd af vefsíðunni jw.org.

Við hvetjum þig til að skoða vefsíðuna ef þú hefur ekki þegar gert það. Hún er aðgengileg og hægt er að sækja hljóðskrár, myndbönd, Biblíuna á mörgum tungumálum og fjölda rita án endurgjalds.