Tilkynningar

◼ Ritatilboðið í maí: Varðturninn og Vaknið! Notið smáritið Viltu vita svörin? þar sem áhuga er að finna og reynið að hefja biblíunámskeið. Þegar þið heimsækið aftur þá sem voru viðstaddir minningarhátíðina eða aðrar samkomur, en eru ekki virkir í safnaðarstarfinu, væri gott að nota Hvað kennir Biblían? með það að markmiði að hefja biblíunámskeið. Júní: Hvað kennir Biblían? og Lífið — varð það til við þróun eða sköpun? Júlí og ágúst: Hver sem er af eftirtöldum 32 síðna bæklingum: Hvað verður um okkur þegar við deyjum?, Nafn Guðs sem vara mun að eilífu, Vottar Jehóva — hverjir eru þeir? hverju trúa þeir? og Ættum við að trúa á þrenninguna?

◼ Ef einhver þarf að fá heimilisfang ríkissalar eða samkomutíma hjá söfnuði í Danmörku, Færeyjum, Grænlandi eða Íslandi er hægt að hafa samband við öldung í söfnuðinum. Hann getur flett upp á upplýsingunum á vefsíðunni jw.org. Hann getur prentað þær út ásamt korti og leiðbeiningum um hvernig hægt er að komast á staðinn. Þegar nær dregur minningarhátíðinni verður hægt að finna út hvar og hvenær hún er haldin í mismunandi söfnuðum.

◼ Af og til þurfum við að vísa á boðbera sem talar fleiri tungumál en íslensku eða ensku en tilheyrir ekki erlendum söfnuði eða hópi. Ef þú hefur tök á því að aðstoða okkur væri gott ef þú gætir haft samband við ritarann í söfnuðinum sem kemur upplýsingum á framfæri við deildarskrifstofuna. Hann skráir þá nafn þitt, heimilisfang, netfang, símanúmer og hvaða tungumál þú talar.