Hús úr húsi

1. Við förum hús úr húsi öll

svo heyrinkunnugt sé,

orð Jehóva um borg og bæ

hans boð að láta’ í té.

Og gleðifrétt um Guðsríki

er gerð kunn vítt og breitt,

af ungum jafnt sem öldruðum

sem elska Drottin heitt.

2. Við sérhvert hús og hverjar dyr

sagt hjálpræði er frá.

Það öðlast þeir er ákveða

nafn alvalds Guðs að dá.

En aldrei fá menn ákallað

Guð er ei þekkja þeir.

Því boðum nafnið helga hans

í heimahúsum meir.

3. Við knýjum enn á hverjar dyr

og kynnum ríkisfrétt.

En hvort menn sinna sannleik Guðs

í sjálfsvald er þeim sett.

Nafn Jehóva þeim segjum samt

og sönn trú kunn er gjörð.

Er förum hús úr húsi við

menn heyra af hans hjörð.