ÞJÁLFUNARLIÐUR 18

Fræðandi fyrir áheyrendur

1. Korintubréf 9:19-23

YFIRLIT: Örvaðu hugsun áheyrenda þannig að þeim finnist þeir hafa lært eitthvað sem skiptir máli.

Hugleiddu hvað áheyrendur þínir vita um efnið. Hjálpaðu áheyrendum þínum að sjá efnið frá nýju sjónarhorni frekar en að endurtaka bara það sem þeir hafa heyrt áður.

Hægðu á þér þegar þú kynnir nýjar hugmyndir en farðu hraðar yfir þekkt atriði.
Rannsakaðu og hugleiddu. Þegar mögulegt er skaltu nota minna þekktar staðreyndir eða atburði líðandi stundar til að útskýra aðalatriði. Hugleiddu efnið vandlega og tengdu það vel við þær staðreyndir sem þú ætlar þér að vísa til.

Þegar þú kynnir þér efnið skaltu örva hugsun þína með því að nota spurnarorð eins og hvað, hvers vegna, hvenær, hvar, hver og hvernig. Lífgaðu upp á kennsluna með því að varpa fram og svara nokkrum þessara spurninga.
Sýndu fram á notagildi þess sem þú segir. Útskýrðu hvernig biblíuvers geta hjálpað áheyrendum þínum í daglegu lífi þeirra. Ræddu um sérstakar aðstæður, viðhorf og verk sem skipta áheyrendur þína máli.