Ný svæðismótsdagskrá

„Hugfestum dag Jehóva“ er stef dagskrárinnar á tveggja daga svæðismótinu sem haldið verður á þjónustuárinu 1998. (2. Pét. 3:12) Hún miðar að því að efla hjá okkur tilfinninguna fyrir því hversu tíminn, sem eftir er til að prédika fagnaðarerindið, er orðinn naumur. Dómi Jehóva verður innan skamms fullnægt á íbúum jarðarinnar. Hverjir munu lifa af ‚hinn mikla dag Guðs hins alvalda‘? Aðeins þeir sem halda sér andlega vakandi og temja sér að „ganga fram í heilagri breytni og guðrækni.“ — Opinb. 16:14; 2. Pét. 3:11.

Til að menn lifi dag Jehóva af er bráðnauðsynlegt að þeir láti skírast. (1. Pét. 3:21) Boðberar, sem óska þess að láta skírast á svæðismótinu, ættu að segja umsjónarmanni í forsæti frá því. Hann gerir síðan nauðsynlegar ráðstafanir.

Ræðusyrpa í fjórum liðum, „Hvernig okkur ber að ganga fram,“ mun sýna greinilega hvers konar breytni er tengd því að hafa nærveru dags Jehóva hugfasta. Opinberi fyrirlesturinn, „Breyttu viturlega þar sem dagur Jehóva nálgast,“ mun útskýra hvað það þýðir að ‚leita Jehóva, ástunda réttlæti og auðmýkt‘ til þess að vera meðal þeirra sem lifa af. — Sef 2:3.

Svæðismótinu lýkur með tveimur hvetjandi ræðum farandumsjónarmanna og nefnast þær: „Snýst líf þitt um sannleikann?“ og „Taktu mið af degi Jehóva í framtíðaráætlunum þínum.“ Þessar ræður munu fá okkur til að rannsaka líf okkar og gera þær breytingar sem þörf er á. Spádómar Biblíunnar og heimsatburðirnir gefa greinilega til kynna að dagur Jehóva sé á næsta leiti. Þessi svæðismótsdagskrá mun örva okkur til að ‚vera algáð og vaka.‘ (1. Pét. 5:8) Gerðu það sem nauðsynlegt reynist til að vera viðstaddur báða dagana þegar að því kemur.