Nýttu þér skólann sem best
1 Þetta er sá árstími þegar börnin spyrja oft: „Þarf ég að fara strax aftur í skólann?“ Þó að einhver ögrun og kvíði geti verið samfara því að snúa aftur í skólann, fylgja því einnig margir kostir fyrir ungt fólk sem leggur sig fram við að nýta sér skólagöngu sína sem best.
2 Góð og alhliða menntun getur stuðlað að andlegri framför. Það sem menn gera í æsku ræður miklu um það sem þeir geta gert á fullorðinsárunum. „Það sem maður sáir, það mun hann og uppskera,“ gildir um skólagönguna eins og annað. (Gal. 6:7) Börn, sem eru ástundunarsöm í skóla, öðlast kunnáttu og færni sem gerir þau nytsamlegri í þjónustu Jehóva.
3 Það þarf góða forsjálni til þess að velja réttu fögin og námsbrautirnar í skóla. Foreldrar ættu að hjálpa börnum sínum að velja það nám sem er einna hagnýtast til þess að þau fái náð andlegum markmiðum í lífinu. Með því að afla sér góðrar kunnáttu eru ungmennin betur í stakk búin til að sjá fyrir sér sem brautryðjendur. Undirstöðumenntun þeirra ætti að hjálpa þeim að vegsama Jehóva hvar sem þau kunna það þjóna honum.
4 Börn og unglingar, reynið að nýta ykkur skólaárin sem allra best. Þegar þið gerið það skuluð þið einbeita ykkur að því að vera óskipt í hinni kristnu þjónustu í stað þess að keppa eftir veraldlegum starfsframa. Leitist við að nota líf ykkar í að gera vilja Jehóva. Þá mun ykkur farnast vel, Jehóva til lofs. — Sálm. 1:3.