Blessun Jehóva auðgar
1 Velgengni er oft mæld eftir því hve mikið er í launaumslaginu. Þess vegna halda margir að efnamenn séu manna hamingjusamastir og ánægðastir. En þeim skjátlast hrapallega sem halda að hamingjan sé föl fyrir fé. (Préd. 5:11) Hamingja þeirra „sem ríkir vilja verða“ er ekki varanleg. (1. Tím. 6:9) Þjónar Jehóva njóta hins vegar ósvikinnar gleði og eru auðugastir allra. (Orðskv. 10:22; Opinb. 2:9) Hvernig þá?
2 Sönnun fyrir ríkidæmi okkar: Við búum yfir miklu andlegu innsæi og skilningi á orði Guðs, Biblíunni. Jehóva er stöðugt að fræða okkur um sjálfan sig og son sinn fyrir milligöngu hins jarðneska skipulags, og við höfum varanlegt gagn af. Nákvæm þekking gerir okkur kleift að nálgast Jehóva og eiga náið samband við hann. (Jak. 4:8) Þegar við greinum gott frá illu og fylgjum lögum hans verndar það okkur gegn vissum sjúkdómum og hættum. Við treystum því að Jehóva sjái fyrir okkur og það veitir okkur hugarró og gleði. — Matt. 6:33.
3 Við njótum friðar og einingar innan hins andlega bræðrafélags vegna þess að við ræktum með okkur ávexti anda Guðs, og af því að við erum tengd sterkum kærleiksböndum þarf okkur aldrei að finnast við yfirgefin á háskatímum, hvorki af Guði né bræðrum okkar. — Gal. 6:10.
4 Líf okkar er tilgangsríkt og innihaldsríkt. Við álítum það mikil sérréttindi að taka þátt í boðun fagnaðarerindisins um heim allan, og það veitir okkur varanlega hamingju að hjálpa öðrum að eignast gott samband við Guð og stunda hreina tilbeiðslu með okkur. Þjónusta okkar er ómetanlegur fjársjóður sem vegsamar Jehóva og veitir okkur þá ánægju að vinna að því að nafn hans helgist. Við erum jákvæð af því að við vitum að framtíðarvon okkar verður brátt að veruleika.
5 Verum þakklát: Verum ávallt þakklát fyrir blessun Jehóva því að hún gerir okkur að auðugasta fólki í heimi. (Orðskv. 22:4) Tökum okkur tíma dag hvern til að hugleiða það sem við höfum, þökkum Jehóva fyrir örlæti hans og kærleika og veitum honum áfram óskipta hollustu.