Hvað geturðu sagt um blöðin?

Varðturninn 1. júlí

„Við heyrum fréttir af ofbeldi á hverjum degi. Heldurðu að fólk hafi einhvern tíma áður búið við slíkt ástand? [Gefðu kost á svari.] Taktu eftir því sem Biblían segir. [Lestu Matteus 24:37.] Illskan var svomikil á dögum Nóa að Guð eyddi öllum nema honum og fjölskyldu hans. Þetta tímarit bendir á hvaða þýðingu þessir atburðir hafa fyrir okkur.“

Vaknið! júlí-september

„Margir velta fyrir sér hvort börn vaxi of fljótt úr grasi í öllum hraðanum sem einkennir umheiminn. Finnst þér þetta vera áhyggjuefni? [Gefðu kost á svari. Lestu síðan Prédikarann 3:1, 4.] Börn ættu ekki að þurfa að bera byrðir fullorðinna. Í þessu blaði er fjallað um það hvernig foreldrar geta varðveitt bernsku barnanna.“

Kynning á Kröfubæklingnum

Eftir að hafa dreift tímaritunum Varðturninum og Vaknið! gætir þú spurt viðtakandann hvort þú megir lesa stutta grein fyrir hann. Ef hann samþykkir það opnaðu þá Kröfubæklinginn á kafla 5. Bentu á spurningarnar í upphafi kaflans og biddu hann að hlusta eftir svarinu við fyrstu spurningunni á meðan þú lest fyrstu greinina. Spyrðu spurningarinnar þegar þú hefur lokið við að lesa greinina og hlustaðu á svar hans. Bjóddu honum bæklinginn og ef hann þiggur hann skaltu gera ráðstafanir til að koma aftur og fá svar hans við næstu tveim spurningum við þennan kafla.