Tökum spámennina til fyrirmyndar – Jóel
1. Hvernig getum við líkt eftir auðmýkt Jóels í boðunarstarfinu?
1 Hver var spámaðurinn Jóel? Það segir aðeins að hann hafi verið Petúelsson. (Jóel 1:1) Þessi auðmjúki spámaður beindi sjónum fólks að fyrirmælum Jehóva en ekki að sér sem sendiboða. Eins beinum við athygli fólks að Jehóva og Biblíunni þegar við erum í boðunarstarfinu frekar en að sækjast eftir upphefð eða viðurkenningu. (1. Kor. 9:16; 2. Kor. 3:5) Þar að auki fáum við styrk frá þeim boðskap sem við berum. Hvernig geta spádómar Jóels fyllt okkur eldmóði og von?
2. Hvað ættum við að finna okkur knúin til að gera fyrst endirinn er svona nálægur?
2 „Dagur Drottins nálgast“ (Jóel 1:15): Þótt mjög langt sé síðan þessi orð voru rituð lifum við á þeim tíma þegar uppfylling þeirra á sér stað. Ástandið í heiminum fer versnandi og áhugaleysið og athlægið, sem við verðum fyrir í starfinu, sanna að síðustu dagar þessa illa heimskerfis eru runnir upp. (2. Tím. 3:1-5; 2. Pét. 3:3, 4) Þegar við hugleiðum hversu nálæg endalokin eru höfum við fulla ástæðu til að láta boðunarstarfið hafa forgang í lífi okkar. – 2. Pét. 3:11, 12.
3. Af hverju er boðunarstarfið sérstaklega mikilvægt því nær sem dregur þrengingunni miklu?
3 Jehóva verður athvarf fyrir fólk sitt (Jóel 4:16): Nötrandi jörðin, sem minnst er á í þessu versi, getur aðeins vísað til þess þegar Jehóva kveður upp dóm sinn í þrengingunni miklu. Við finnum huggun í að vita að Jehóva mun frelsa trúa þjóna sína á þeim tíma. (Opinb. 7:9, 14) Við fáum aukið úthald og byggjum upp trúna þegar við höldum ótrauð áfram í boðunarstarfinu og finnum hvernig Jehóva framfleytir okkur og styrkir. Það á eftir að verða okkur til góðs á þrengingartímanum sem er fram undan.
4. Af hverju getum við verið glöð og tekist á við það sem fram undan er full trausts á Jehóva?
4 Þrátt fyrir að sumir hafi stimplað boðskap Jóels sem svartsýnisboðskap kemur þar fram undursamleg von fyrir fólk Guðs um björgun. (Jóel 3:5) Við skulum því fylgja orðunum í Jóel 2:23: „Gleðjist ... og fagnið í [Jehóva], Guði yðar.“ Þá getum við tekist á við það sem fram undan er full trausts á Jehóva og boðað fagnaðarerindið um Guðsríki af eldmóði.