Notaðu vefsetur okkar til að kenna börnunum
1. Hvert er markmiðið með þeim hluta vefsesturs okkar sem ber yfirskriftina „Börn“?
1 Vefsetur okkar, jw.org, er hannað þannig að það höfði til allra aldurshópa. Sá hluti sem ber yfirskriftina „Börn“ (smellið á Biblían og lífið > Börn) hjálpar ungum börnum og foreldrum þeirra að styrkja tengslin sín á milli og við Jehóva. (5. Mós. 6:6, 7) Hvernig getur þú notað þennan hluta vefsetursins til að kenna börnunum þínum?
2. Hvernig má velja biblíunámsefni sem hentar aldri barnanna?
2 Verum sveigjanleg: Börn eru ólík og hafa mismunandi þarfir. (1. Kor. 13:11) Hvernig getur maður valið biblíunámsefni sem hentar aldri barnanna? Spyrðu þig: „Hvað vekur áhuga barnanna? Hvað skilja þau mikið? Hve lengi geta þau haldið einbeitingunni?“ Nota má sögurnar, sem er að finna undir „Biblíustundin mín“, til að ræða við börn sem eru þriggja ára og yngri. Íhugaðu líka eftirfarandi möguleika.
3. Hvernig geta foreldrar notað sögurnar og verkefnin undir „Biblíuverkefni fyrir fjölskylduna“ á árangursríkan hátt?
3 Biblíuverkefni fyrir fjölskylduna: Þessi verkefni eru hentug hjálpartæki sem höfuð fjölskyldunnar getur notað til að fræða börnin sín um Biblíuna. Smelltu á „Hlaða niður“ takkann og lestu „Leiðbeiningar handa foreldrum“ fyrir hvert verkefni. Notaðu verkefni og myndir til að lita til að kenna yngstu börnunum. Hjálpaðu eldri börnum að klára biblíuverkefnin. Allir liðirnir í hverju biblíuverkefni tengjast sömu biblíusögunni eða lexíunni, þannig geta börn á öllum aldri unnið að sama biblíuverkefninu fyrir námsstund fjölskyldunnar.
4. Hvað má finna undir liðnum „Vertu vinur Jehóva“?
4 Vertu vinur Jehóva: Myndböndin, söngvarnir og verkefnin í þessum hluta vefseturs okkar auðvelda foreldrum að brýna orð Guðs fyrir börnunum. (5. Mós. 31:12) Stuttu teiknimyndirnar innihalda hver um sig ákveðinn lærdóm. Verkefni eins og að finna hvað er ólíkt með tveimur myndum leggja síðan frekari áherslu á þennan lærdóm. Börnum finnst oft gaman að syngja – söngvar hjálpa þeim að muna það sem þau hafa lært – ríkissöngvar og söngvar sem eru skrifaðir sérstaklega fyrir börn eru reglulega settir inn á vefinn.
5. Hvers vegna ættu foreldrar að biðja Jehóva að hjálpa sér að kenna börnunum sannleikann?
5 Foreldrar, Jehóva vill að ykkur takist barnauppeldið vel. Biðjið hann því að hjálpa ykkur að kenna börnunum sannleikann. (Dóm. 13:8) Með hjálp Jehóva getið þið kennt þeim þannig að þau öðlist „speki til sáluhjálpar fyrir trúna á Krist Jesú“. – 2. Tím. 3:15; Orðskv. 4:1-4.