Tökum framförum í boðunarstarfinu – undirbúum inngangsorðin

Af hverju er það mikilvægt? Ef inngangsorðin vekja ekki áhuga er líklegt að húsráðandinn gefi okkur ekki færi á að segja frá trú okkar. Þess vegna telja margir boðberar fyrstu orðin í kynningunni þau mikilvægustu. Tillögurnar að kynningum, sem við fáum í Ríkisþjónustu okkar og í Rökræðubókinni, eru ekki alltaf með fullmótuð inngagnsorð, þau bjóða því upp á meiri sveigjanleika. Jafnvel þótt um fullmótaða kynningu sé að ræða er boðberum frjálst að breyta henni eða semja sína eigin. Kynning okkar verður áhrifaríkari ef við höfum undirbúið inngagnsorðin vel, frekar en að segja bara það sem okkur dettur í hug þegar húsráðandinn opnar dyrnar. – Orðskv. 15:28.

Hvernig förum við að?

Veldu umræðuefni. Það ætti að vera byggt á ritunum sem þú ert að bjóða og efni sem fólk á starfssvæðinu hefur áhuga á.
Undirbúðu vel fyrstu tvær setningarnar sem þú ætlar að segja eftir að hafa heilsað á hefðbundinn hátt. Þú gætir byrjað á að segja: „Ég er að banka upp hjá fólki til að ...,“ „Margir hafa áhyggjur af ...,“ „Mér þætti gaman að vita hvað þér finnst um ...,“ eða eitthvað annað. Stuttar einfaldar setningar eru yfirleitt bestar. Sumum boðberum finnst best að leggja kynninguna á minnið.
Notaðu viðhorfsspurningu sem fær viðmælandann til að tjá sig. (Matt. 17:25) Hafðu í huga að húsráðandinn hefur að öllum líkindum verið að hugsa um eitthvað allt annað áður en þú komst. Þess vegna ætti spurningin ekki að vera of erfið eða gera hann vandræðalegan.

Prófaðu eftirfarandi í mánuðinum:

Notaðu hluta af tilbeiðslustund fjölskyldunnar til að undirbúa og æfa inngangsorð.
Þegar þú ert í boðunarstarfinu skaltu segja öðrum boðberum frá því sem þú ætlar að segja. (Orðskv. 27:17) Breyttu um inngagnsorð ef þau bera ekki árangur.