Mannskæðir jarðskjálftar í Tyrklandi og Sýrlandi – hvað segir Biblían?

UPPFÆRT 10. febrúar 2023.

Fimmtudaginn 9. febrúar 2023 var staðfest að yfir 20.000 manns hefðu dáið af völdum jarðskjálftanna sem urðu í Tyrklandi og Sýrlandi á mánudag. Tugþúsundir manna eru slasaðar og hundruð þúsunda heimilislaus.

Vottar Jehóva hafa sett á laggirnar tvær hjálparstarfsnefndir til að veita neyðaraðstoð og leggja lið við leit og björgun. (Galatabréfið 6:10) Fulltrúar deildarskrifstofunnar voru komnir á vettvang áður en sólarhringur var liðinn frá jarðskjálftanum, þrátt fyrir slæmt veður og samgönguerfiðleika. Þeir hafa veitt þeim sem urðu fyrir barðinu á jarðskjálftanum tilfinningalegan og trúarlegan stuðning. (1. Pétursbréf 5:2) Nánari upplýsingar um hjálparstarf á svæðinu verða veittar á fréttasíðu okkar.

Í Biblíunni segir: „Jehóvaa er nálægur hinum sorgbitnu, hjálpar þeim sem eru niðurbrotnir.“ (Sálmur 34:18) Eftirfarandi efni getur komið þér að gagni á erfiðum tímum sem þessum.

Í myndbandinu Huggun fyrir syrgjendur er að finna gagnleg ráð handa þeim sem hafa misst ástvin.
Í greininni „Hjálpaðu börnunum þínum að takast á við fréttir sem koma þeim í uppnám“ er bent á biblíuvers sem geta hjálpað börnunum þínum að fyllast ekki kvíða vegna dapurlegra frétta.

Mannskæðir jarðskjálftar urðu í Tyrklandi og Sýrlandi mánudaginn 6. febrúar 2023.

„Öflugur jarðskjálfti varð yfir 3.700 manns að bana á allstóru svæði í Tyrklandi og norðvesturhluta Sýrlands á mánudag. Vetrarkuldar auka á neyð þeirra þúsunda sem eru slasaðar eða heimilislausar og tefja fyrir leit að þeim sem kunna enn að vera á lífi.“ – Reuters, 6. febrúar 2023.

Við finnum sárlega til með fólki sem lendir í slíkum hamförum. Á stund sem þessari getum við leitað til Jehóva, sem er „Guð allrar huggunar“. (2. Korintubréf 1:3) Hann gefur okkur von með ‚þeirri huggun sem Ritningarnar veita‘. – Rómverjabréfið 15:4.

Af Biblíunni lærum við …

hverju var spáð um jarðskjálfta.
hvar hægt er að fá hughreystingu og von.
hvernig Guð ætlar að binda enda á allar þjáningar.

Til að kanna hvað Biblían segir um þessi mál geturðu lesið greinarnar:

a Jehóva er nafn Guðs. – Sálmur 83:18.