2023: Ár fullt af áhyggjum – hvað segir Biblían?

Árið 2023 urðu heimsatburðir sem sanna að við lifum á tímum sem Biblían kallar ‚síðustu daga‘. (2. Tímóteusarbréf 3:1) Sjáðu hvernig það sem er að gerast í kringum okkur passar við það sem Biblían spáði að myndi eiga sér stað á okkar tímum.

Biblían og heimsatburðir

‚Fréttir af stríðsátökum í grennd og í fjarska.‘ – Matteus 24:6.

• „Blóðug átök hafa færst í aukana á mörgum stöðum í heiminum.“a

„Jarðskjálftar á einum stað eftir annan.“ – Markús 13:8.

• „Síðan í byrjun ársins 2023 hafa orðið 13 jarðskjálftar sem mældust yfir 7 stig, sem er ein hæsta tíðni frá því að mælingar hófust.“b

„Ógnvekjandi atburðir.“ – Lúkas 21:11.

• „Tímabili hlýnunar jarðar er lokið. Tímabil suðumarks á jörðinni er runnið upp.“ – António Guterres, aðalframkvæmdastjóri Sameinuðu þjóðanna.c

„Hungursneyðir.“ – Matteus 24:7.

• „2023: Enn eitt ár af gífurlegri óvissu fyrir þá sem eiga erfitt með að brauðfæða fjölskyldu sína.“d

„Hættulegir og erfiðir tímar.“ – 2. Tímóteusarbréf 3:1.

• „Einn af hverjum átta glímir við geðröskun af einhverju tagi.“e

Við hverju má búast árið 2024?

Enginn getur sagt með vissu hvað á eftir að gerast árið 2024. En heimsatburðir gefa til kynna að ríki Guðs, eða himnesk ríkisstjórn, muni fljótlega taka við af stjórnum manna og binda enda á allt sem veldur kvíða og þjáningum. – Daníel 2:44; Opinberunarbókin 21:4.

En þangað til getum við leitað hjálpar Guðs þegar okkur líður illa. Biblían segir:

„Þegar ég er hræddur reiði ég mig á þig.“ – Sálmur 56:3.

Hvernig getum við sýnt að við treystum Guði? Við hvetjum þig til að fræðast meira um loforð Biblíunnar um framtíð án þjáninga. Prófaðu ókeypis biblíunámskeið og sjáðu hvernig þú og fjölskylda þín getið haft gagn af loforðum Biblíunnar.