Rússar gera innrás í Úkraínu

Snemma morguns 24. febrúar 2022 réðust Rússar inn í Úkraínu þrátt fyrir tilraunir þjóðarleiðtoga til að koma í veg fyrir stríð. Hvaða áhrif gætu þessi stríðsátök haft á heiminn? Framkvæmdastjóri Sameinuðu þjóðanna, António Guterres, sagði fyrir fáeinum dögum: „Við getum ekki einu sinni ímyndað okkur þjáningarnar og eyðilegginguna sem þetta mun hafa í för með sér og áhrifin sem það mun hafa á öryggi Evrópu og alls heimsins.“

Hvaða þýðingu hafa atburðir eins og þessir samkvæmt Biblíunni?

• Jesús Kristur sagði fyrir að sá tími kæmi að ‚þjóð myndi ráðast gegn þjóð og ríki gegn ríki‘. (Matteus 24:7) Lestu greinina „Hvert er tákn hinna ‚síðustu daga‘ eða ‚síðustu tíma‘?“ Biblían sýnir að stríð á okkar dögum eru uppfylling á spádómi Jesú.

• Opinberunarbók Biblíunnar lýsir hernaði með því að draga upp mynd af knapa á ‚eldrauðum hesti‘ sem ‚tekur friðinn burt af jörðinni‘. (Opinberunarbókin 6:4) Lestu greinina „Riddararnir fjórir – hverjir eru þeir?“ til að sjá hvernig þessi spádómur á við stríðsátök nú á dögum.

• Daníelsbók segir fyrir um baráttu milli ‚konungs norðursins‘ og ‚konungs suðursins‘. (Daníel 11:25–45) Horfðu á myndbandið Uppfylltir spádómar – 11. kafli Daníels til að sjá hvers vegna við getum sagt að ‚konungur norðursins‘ tákni Rússland og bandamenn þess.a

• Opinberunarbókin lýsir líka ‚stríðinu á hinum mikla degi Guðs hins almáttuga‘. (Opinberunarbókin 16:14, 16) En það er ekki stríð milli þjóða eins og við sjáum núna. Lestu greinina „Hvað er stríðið við Harmagedón?“ til að fá frekari upplýsingar um þennan framtíðaratburð.

Hvers vegna getur þú verið vongóður um framtíðina?

• Biblían segir að Guð muni ‚stöðva stríð um alla jörð‘. (Sálmur 46:9) Lestu greinina „Sönn von um bjartari framtíð“ til að fræðast meira um framtíðina sem Guð lofar.

• Jesús kenndi fylgjendum sínum að biðja að ríki Guðs kæmi. (Matteus 6:9, 10) Þetta ríki er himnesk stjórn sem lætur vilja Guðs ná fram að ganga og kemur á friði á jörðinni. Horfðu á myndbandið Hvað er ríki Guðs? til að fræðast um hvernig ríki Guðs getur gagnast þér.

Það eru yfir 129.000 vottar Jehóva í Úkraínu. Þeir líkja eftir Jesú Kristi eins og vottar Jehóva í öllum öðrum löndum með því að vera hlutlausir í stjórnmálum og neita að taka þátt í hernaði. (Jóhannes 18:36) Vottar Jehóva boða ‚fagnaðarboðskapinn um ríkið‘ um alla jörðina. Þetta er ríki er lausnin á vandamálum mannkynsins og bindur meðal annars enda á stríðsátök. (Matteus 24:14) Þér er velkomið að hafa samband til að fræðast meira um vonarboðskap Biblíunnar.