Luẹ Ọnan
Luẹ Illo Nesẹmhan Ọbhi Uhọnmhọn
“Ẹghe nin mẹn rẹ ha riale ghe mẹn iyẹ mhọn ebi a ji a rẹ lu, illo nesẹmhan nan rẹman bhi JW Broadcasting® Jehova noo rẹ ko mẹn udu re.”—Lorraine, U.S.A.
Ọ iyi ẹlẹnan Kristiẹn munhẹn ha noo illo bhi ikolo oga nọnsele. (Col. 3:16) Ahamiẹn uwẹ luẹ ene illo ọbhi uhọnmhọn, ọ dẹ sabọ rẹkpa uwẹ rẹ ye ele re ahamiẹn uwẹ iyẹ mhọn ebe illo, la foni nin ene illo ye. Re obọ rẹkhan ene emhin nan ne ha sabọ rẹkpa uwẹ rẹ luẹ illo nesẹmhan ọbhi uhọnmhọn.
Gbẹlokotọ tie ene ikpọta beji uwẹ ha da lẹn ebi ele tẹmhọnlẹn. Ahamiẹn uwẹ lẹn otọ ebi uwẹ tiele, ọ ki rẹkpa uwẹ rẹ ye ele re. Uwẹ dẹ sabọ miẹn ikpọta ọsi illo nesẹmhan bhi jw.org, rẹ dọ sẹbhi illo ikẹ, bi ene a lu nin ibhokhan. Uwẹ ha sẹbhi enin, diọbhi ọbọle natiọle Aza, uwẹ ha piẹn Illo.
Gbẹn ene ikpọta ọsi ene illo dagbare. Uwẹ ha lu iriọ, asabọmiẹn ọ dẹ rẹkpa uwẹ rẹ ye ele re.—Deut. 17:18.
Ha so ọle dagbare. Tie ọle, la so ọle igba ne bunbun.
Fẹghe si uwẹ dẹ sabọ ye ele re. Fẹghe si uwẹ dẹ sabọ ha so ọle aharẹmiẹn uwẹ bha ghe ebe. Uwẹ ha yẹ fẹ ebi uwẹ sẹ dọnmhegbe sẹ yẹ.