Guẹ Ebi A Rẹ Lu Iwẹnna Itẹmhọn Osẹnobulua YẸ—Ebi Mhan A Rẹ Ha Noo JW.ORG Yẹ

EBEZẸLE NỌN DA YI EMHIN NỌN KHẸKE: Ebe nesẹmhan rebhe ne deba emhin kpataki nin mhan rẹ lu iwẹnna itẹmhọn Osẹnobulua, ele tẹmhọn jw.org. Deba ọnin, mhan mhọn ikadi, bi itrati natiọle Gimhan Ada Min Ewaniẹn Rẹji Inọnta Ne Kpọnọle Rẹji Iẹnlẹn? nan muegbe lu nin mhan rẹ ha taman ẹbho ẹmhọn wẹbsaiti nọnsẹmhan. Uwẹ dẹ sabọ re jw.org rẹ je ọkpa bhi ebe nesẹmhan ji ọria. La uwẹ taman ọlẹn eji ọle ha da miẹn ọne ebe tie bhi jw.org. Ọnan dẹ wo rẹkpa mhan sade mhan miẹn ọria nọn zẹ urolo ọbhebhe. Ẹbho sabọ yẹ nọọn mhan inọnta nan bha wanniẹn bhi ebe nesẹmhan nin mhan rẹ lu iwẹnna itẹmhọn Osẹnobulua. Mhan ha guẹ ebi a rẹ noo jw.org yẹ, mhan ki sabọ ha lu iwẹnna mhan nọnsẹn.

EBI A RẸ LU ỌLE YẸ:

• 

  Noo obọ natiọle “BIBLE TEACHINGS.” Ji a man yọle ghe, uwẹ tẹmhọn Osẹnobulua man ọria nọn mhọn imọn, ọne ọria da guanọ nin ọle lẹn ebi a rẹ bẹẹ imọn nọnsẹn yẹ. Diọ bhi BIBLE TEACHINGS > MARRIAGE & FAMILY.

• Noo obọ natiọle “EBE NAN GBẸN.” Ji a man yọle ghe uwẹ tẹmhọn Osẹnobulua man ibo uwẹ bhi isiku. Uwẹ da guanọ nin uwẹ re ọne brokiọ natiọle Answers to 10 Questions Young People Ask man ọlẹn. Diọ bhi EBE NAN GBẸN > EBE BI BROKIỌ.

• Noo obọ natiọle “ẸMHỌN MHAN.” Ji a man yọle ghe uwẹ tẹmhọn Osẹnobulua man ibo uwẹ bhi isi iwẹnna. Ọne ọria da guanọ nin ọle lẹn ebi mhan rẹọ. Diọ bhi ẸMHỌN MHAN > INỌNTA NAN KẸ NỌỌN NỌN RẸTẸ ESALI JEHOVA.

GHE ỌNE IVIDIO NATIỌLE EBI A RẸ NOO JW.ORG YẸ. BHA HA KI GHE ỌNE IVIDIO FO, ZILO NYAN EJI UWẸ HA DIỌ BHI ỌNE WẸBSAITI NIN UWẸ RẸ RẸKPA:

• ọria nọn bha rẹọbhọ ghe a miẹn Osẹnobulua

• ọria nin emhin idunmhuri sunu je

• obhio mhan nọn iyẹ sasa bhi oga

• afikie yo nọnsẹ nọn họ nin ọle lẹn eji agbotu nọnsẹmhan da miẹn igho nin ele rẹ lu iwẹnna oga

• ọria nọn ribhi agbaẹbho obhebhe nọn guanọ eji ọle ha da yọ ikolo oga sade ọle vae bhi uwa