Ha Nọọn Ọta

Jehova nin “Osẹnobulua ọsi eghọnghọn” guanọ nin mhan ha sọnyẹnmhẹn bhi iwẹnna itẹmhọn Osẹnobulua nin mhan lu. (1Ti 1:11) Eghọnghọn nin mhan miẹn dẹ ha tuẹn okhun sade mhan manman guẹ ebi a rẹ tẹmhọn Osẹnobulua yẹ. Ọta nan nọọn dẹ sabọ re ẹbho ka mhan ehọ. Sẹyẹ, ọ dẹ sabọ re ọle lẹkhẹ nin mhan rẹ munhẹn ha ne ẹbho zilo. Inọnta re ẹbho ria eria nyan ebi a zilo ọle. (Mt 22:​41-45) Ahamiẹn mhan nọọn ẹbho ọta yẹ ka ele ehọ, ọ ki rẹman ele ghe ẹmhọn ele rẹtẹ mhan. (Jas 1:19) Ewanniẹn nin ọria ha re ọbhi inọnta nin mhan nọọn ọlẹn, dẹ sabọ rẹkpa mhan lẹn ebi mhan ha rẹ nanlẹn zilo yẹ.

GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU​—MANMAN GUẸ IWẸNNA ITẸMHỌN OSẸNOBULUA​—HA NỌỌN ỌTA. BHA HA KI GHE ỌLE FO, WANNIẸN ENE INỌNTA NAN:

• 

  Ikpẹ esili nela Jane rẹman?

• 

  Uwedẹ nela Neeta rẹ noo inọnta nin ọle rẹ rẹman ghe ẹmhọn iJane rẹtẹ ọle?

• 

  Uwedẹ nela Neeta rẹ noo inọnta nin ọle rẹ re ẹmhọn Osẹnobulua ha ti Jane bhọ?

• 

  Uwedẹ nela Neeta rẹ noo inọnta rẹ rẹkpa Jane rẹ ha ria ẹmhọn ebi ele zilo nyan?