Ha Nan Erọnmhọn Rẹ Miẹn Urẹkpa bhi Obọ IJehova

Jehova hi ọnọn re ikpẹ ọsi ẹmhọanta wanre bhi ọkhọle ọsi eria. (1Co 3:​6-9) Bhiriọ, nin iwẹnna itẹmhọn Osẹnobulua da sabọ kiọnlẹn nin mhan, ọkhẹke nin mhan mun udu nyan iJehova nin ọle rẹkpa mhan bi ene mhan man ele iBaibo.

Bhii Jehova nin ọle rẹkpa ene uwẹ man ele iBaibo rẹ sabọ ziẹngbe ekpokpo yẹ khọn ọnọghọ kẹkẹ miotọ. (Php 1:​9, 10) Sounun bhi ebi uwẹ guanọ. Bhii Jehova nin ọle re ẹlinmhin nọnsọle rẹ gbega ebi uwẹ ria bhi ọkhọle bi ebi uwẹ lu. (Lu 11:13) Man ene uwẹ man ele iBaibo ebi a rẹ nan erọnmhọn yẹ, uwẹ ha yẹ taman ele nin ele tobele ha nan erọnmhọn. Deba ele ha nan erọnmhọn, uwẹ ha yẹ ha nan erọnmhọn nin ele. Ha sounun bhi elin nọnsele bhi ọne erọnmhọn.

GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU​—MIẸN URẸKPA NỌNSI JEHOVA ỌBHI EGBE​—ERỌNMHỌN. BHA HA KI GHE ỌLE FO, WANNIẸN ENE INỌNTA NAN:

• Ọnọghọ nela Neeta miẹn ẹghe nin ọle rẹ ha man iJane iBaibo?

• Be 1 Corinthians 3:6 rẹ rẹkpa iNeeta yẹ?

• Be iNeeta ki rẹ khọn ọne ọnọghọ nan yẹ?