Rẹkpa Ene Uwẹ Man Ele IBaibo Rẹ Khọn Ebe Imhẹn Nin Ele Guẹ Miotọ

Ẹbho ne nyẹnlẹn bhi uwedẹ nọn khiale ọkpa ha sabọ deba iJehova ha mhọn ikolu. (1Pe 1:14-16) Ene imhan man ele iBaibo ha sabọ khọn ebe imhẹn nin ele guẹ miotọ, ele ki ha mhọn azagba-uwa nin eghọnghọn ye, egbe nọn daanlẹn, bi ebi ele ha rẹ ha gbẹloghe egbe.

Rẹkpa ele lẹn otọ uhi nesi Jehova, ebezẹle nin ọle da gbe ene uhi nin mhan, bi elele nin mhan ha miẹn bhọ sade mhan re obọ rẹkhan ọlẹn. Rẹkpa ene uwẹ man iBaibo rẹ fi uwedẹ nin ele rẹ ria eria denọ, nin ele da sabọ ha re obọ rẹkhan ebi ele luẹle. (Eph 4:22-24) Rẹkpa ele lẹn ghe Jehova dẹ sabọ rẹkpa ele rẹ sabọ khọn emhin ebe nọn ki guẹ ele egbe. (Php 4:13) Man ele ebi ele ha rẹ ha bhii Jehova yẹ nọn rẹkpa ele sade egbe sua ele ọbhọ rẹ lu emhin ebe. Rẹkpa ele lẹn idia nọn ha re ọle nọghọ ele rẹ rẹban emhin ebe. Taman ele nin ele ha lu emhin nin ele ha da miẹn elele, ọ iyi emhin ne ha si ikuan-egbe ji ele. Ọ dẹ re uwẹ ha ghọnghọn rẹ daghe ebi Jehova rẹ rẹkpa ene uwẹ man ele iBaibo yẹ rẹ sabọ fidenọ.

GHE ỌNE IVIDIO NATIỌLE, RẸKPA ENE UWẸ MAN ELE IBAIBO RẸ KHỌN EBE IMHẸN NIN ELE GUẸ MIOTỌ. BHA HA KI GHE ỌLE FO, WANNIẸN ENE INỌNTA NAN:

• 

  Be iNeeta bi ene ewanlẹn rẹ rẹman iJane yẹ ghe, ele rẹọbhọ ghe ọle dẹ sabọ khọn ebe imhẹn nin ọle guẹle miotọ?

• 

  Uwedẹ ọbhebhe nela iNeeta rẹ rẹkpa iJane?

• 

  Be iJane rẹ miẹn urẹkpa bhi obọ iJehova yẹ?