Rẹkpa Ene Uwẹ Man Ele IBaibo Rẹ Deba IJehova Ha Mhọn Ikolu

Jehova guanọ nin mhan ha ga ọle ranmhude oyẹẹ nin mhan mhọn da ọle. (Mt 22:37, 38) Oyẹẹ nin ene imhan man ele iBaibo mhọn da iJehova dẹ rẹkpa ele rẹ sabọ fidenọ yẹ sabọ ziẹngbe ekpokpo. (1Jo 5:3) Oyẹẹ nin ele mhọn da Osẹnobulua zẹle nin ele ha da mianmẹn.

Rẹkpa ene uwẹ man ele iBaibo rẹ daghe oyẹẹ nin Osẹnobulua mhọn da ele. Nọọn ele inọnta bii: “Be ọnan man uwẹ le rẹji Jehova?” la “Be ọnan rẹ rẹman yẹ ghe Osẹnobulua hoẹmhọn uwẹ?” Rẹkpa ele rẹ daghe ebi Jehova rẹ re oyẹẹ man ele yẹ bhi iẹnlẹn nọnsele. (2Ch 16:9) Taman ele ebi Jehova sẹ rẹ re ewanniẹn ọbhi erọnmhọn kẹkẹ nesẹ yẹ. Sẹyẹ, taman ele nin ele ha gbẹlokotọ bhi ebi Jehova rẹ re ewanniẹn ọbhi erọnmhọn nọnsele yẹ. Ọ wo re imhan ghọnghọn rẹ daghe ebi ene imhan man ele iBaibo rẹ daghe oyẹẹ nin Jehova mhọn da ele yẹ bi ebi ọne oyẹẹ nan rẹ re ele sikẹ iJehova yẹ.

GHE ỌNE IVIDIO NATIỌLE, RẸKPA ENE UWẸ MAN ELE IBAIBO RẸ DEBA IJEHOVA HA MHỌN IKOLU. BHA HA KI GHE ỌLE FO, WANNIẸN ENE INỌNTA NAN:

• 

  Ọnọghọ nela iJane ha mhọnlẹn?

• 

  Be iNeeta rẹ rẹkpa iJane yẹ?

• 

  Be iJane rẹ sabọ khọn ọne ọnọghọ yẹ?