LU IWẸNNA ITẸMHỌN OSẸNOBULUA | JI EGHỌNGHỌN NIN UWẸ MIẸN BHI IWẸNNA ITẸMHỌN OSẸNOBULUA HA TUẸN OKHUN
Noo Emhin Ne Rẹkpa Mhan Rẹ Luẹ IBaibo Dinmhin
Jehova ne emhin nin mhan ha noo rẹ ha man ẹbho iBaibo nọnsẹn, bọsi ividio, itrati, Watchtower bi Awake!, brokiọ, ebe, bi Baibo nin mhan manman rẹ lu iwẹnna itẹmhọn Osẹnobulua. (2Ti 3:16) Ọle da yẹ ne emhin eso nin mhan ne ha rẹkpa mhan rẹ ha lẹn otọ iBaibo. Ene emhin nan hi, Watchtower Library, JW Library® app, Watchtower ONLINE LIBRARY™, bi Research Guide for Jehovah’s Witnesses.
Mhan dẹ ha miẹn eghọnghọn sade mhan noo ene emhin nan rẹ gua ọta ne ribhi Baibo fẹghe. Re ẹghe ọbhi otọ rẹ man ene uwẹ man ele iBaibo ebi a rẹ noo ene emhin nan yẹ. Bhiriọ, ele ki yẹ ha ghọnghọn sade ele sabọ miẹn ewanniẹn rẹji inọnta kẹkẹ nin ele mhọnlẹn rẹji ebe ribhi Baibo.
GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU—MIẸN URẸKPA NỌNSI JEHOVA ỌBHI EGBE—EMHIN NE RẸKPA MHAN RẸ LUẸ IBAIBO DINMHIN. BHA HA KI GHE ỌLE FO, WANNIẸN ENE INỌNTA NAN:
Inọnta nela iJane nọọnlẹn rẹji ebi a manlẹn?
Ijela iNeeta da ki miẹn otọ ọne ẹmhọn?
Mhan dẹ ha miẹn eghọnghọn sade mhan guanọ emhin oriọn ne ribhi Baibo yẹ taman ẹbho ebi mhan luẹle
Be iNeeta ki rẹ hanọn emhin ne ha rẹso iJane yẹ?
Be ene emhin nan rẹ guanọ otọ iBaibo fẹghe nin Neeta noolo rẹ rẹkpa ọle yẹ?