Eyẹ Jesu ri te Uwhu Riẹ

Avi Gabriẹl ẹnjẹle na bru ẹghele uvovo aye nọ a re se Meri. Ọ tẹ ta kẹe nọ o re ti wo ọmọ ọnọ o re ti su wọhọ ovie bẹdẹ bẹdẹ. Ọmọ na, Jesu, a yẹ riẹ evaọ uwou erao, o ria nọ ithuru erao e jẹ nya brei. Uwhremu riẹ, esi o te su ahwo nọ a no ovatha ọre ze bru ọmọ ọfofa na. Ma riẹ ohwo nọ o ru rai ruẹ esi ọyena, gbe epanọ a ro siwi Jesu no omodawọ re a kpei.

Ofariẹ, ma ruẹ Jesu, okenọ ọkpako te ikpe 12, bi lele iwuhrẹ na ta ẹme evaọ tẹmple. Ikpe kpogbere evrẹno Jesu ọ tẹ họ ame, ọ tẹ jọ oke oyena mu iruo ovuẹ gbe ewuhrẹ Uvie na họ enọ Ọghẹnẹ o vi rie ze akpọ ti ru. Re ufiobọhọ kẹe evaọ iruo enana, Jesu ọ tẹ salọ ezae 12 o te rua’i họ ikọ riẹ.

Jesu o ru eware igbunu buobu re. Ọ rehọ imiye nọ ibu hu gbe ikulu ebrẹdi kakao ko idu ahwo. O siwi enọ e be mọ ọ kpare enọ emaki whu no. Ukuhọ riẹ, ma yo kpahe eware buobu nọ evia kẹ Jesu evaọ ẹdẹ urere uzuazọ riẹ, gbe epanọ a rehọ kpei. Jesu ọ vuẹ ovuẹ, oware wọhọ ikpesa gbe ubro, fikiere Abọ Avọ EZEZA o rehọ oke nọ o rehọ omojọ vrẹ ikpe 34.