Uzizie Mai Kẹ Owhẹ

O were omai gaga nọ ma ro lele owhẹ t’ẹme ẹkwoma ibroshọ nana. U mu omai ẹro nọ o were owhẹ nọ whọ rọ riẹ viere kpahe Isẹri Jihova no. Ivie ma zizie owhẹ nọ who weze ziọ Ọgwa Uvie mai. Ruẹ epanọ ma bi ro ru iwuhrẹ mai. Ruẹ epanọ ma be rọ daoma ghale emamọ usi orọ otọakpọ aparadase evaọ otọ Uvie Kristi kugbe amọfa.

Ọghẹnẹ ọ y’eyaa riẹ no. “Wọhọ epaọ eya riẹ, ma rẹ hẹrẹ ihru ekpokpọ avọ akpọ ọkpokpọ enọ ẹrẹreokie ọ be ria.” (2 Pita 3:13) Ikpe buobu e vrẹ no. Oke ohẹrẹ na u bi kuhọ no. Iyero akpọ i dhesẹ onana.

Nọ “wha riẹ nọ ẹdẹ na ọ kẹlino” na, Pọl ukọ na ọ ta nnọ, “jọ mai ohwo o he roro epanọ ọ rẹrọ jaja ọrivẹ riẹ oma, re o wo uyoyou, je ru iruo ezi kpobi, [wha hẹ] se oma ba e kugbe he.” (Ahwo Hibru 10:24, 25) Ma zizie owhẹ re who yo ohrẹ Pọl na re who kuomagbe omai.