Epanọ A re ro Se Omobe Nana

Evaọ ewẹ-ebe nọ e rrọ aro na, whọ te ruẹ oria Ebaibol rọkẹ ẹdẹ kpobi gbe eme ọkpahefihọ rai. Dede nọ oke kpobi evaọ okpẹdẹ na whọ sai ro se oria ikere gbe eme ọkpahefihọ na, ahwo buobu a ruẹ nọ a be mai wo erere noi ze nọ a te sei evaọ ohiohiẹ. Kẹsena a vẹ sai roro kpahe eware nọ a se na evaọ okpẹdẹ na. O rẹ mae kẹ erere nọ ahwo uviuwou a tẹ be hai sei kugbe. Iviuwou Ebẹtẹle nọ e rrọ akpọ na soso a be hai ru onana evaọ etoke emuọriọ ohiohiẹ.

A rehọ eme ọkpahefihọ na no Uwou-Eroro (w) na ze, erọ amara Ane 2021 rite Asa 2022. Inọmba nọ a kere lele uvitha orọ Uwou-Eroro u dhesẹ ẹwẹ-obe uvitha yena nọ ẹme na o no ze, inọmba nọ o lele oka nana (¶) yọ edhe-ẹme nọ a rọ ẹme na no ze. (Rri oriruo nọ ọ rrọ obotọ na.) Whọ sae ruẹ evuẹ efa nọ i kiekpahe ẹme ọvona evaọ uzoẹme nọ a rehọ oria ikere na no ze.