Iwuhrẹ Odibọgba Ọrọ March
Oka nọ O rọ March 4 Muhọ
Ole Avọ 1 (6)
5 min: Iwhowhovia obonẹ. Salọ Iwhowhovia no Odibọgba Uvie Mai ze.
10 min: “Kpẹwẹ Jihova ‘Kẹdẹ Kẹdẹ.’ ” Enọ gbe iyo. Se edhe-eme 2-5 epanọ oke o riẹ te. Kẹ uduotahawọ owoma kpahe iruo ọkobaro ubroke gbe ọrọ oke kpobi.
15 min: “Rehọ Emagazini Mai ru Emamọ Iruo.” Ẹme ajọwha nọ ọsẹro iruo usiwoma ota o re ru, nọ a rehọ no edhe-ẹme 1 rite 12 evaọ uko obeva na ze.
15 min: “Eriariẹ Ọghẹnẹ Uzẹme na I Re Su Kpohọ Uzuazọ.” Kiẹ idhesẹvia nọ a jiroro rai na riwi. Ru odhesẹvia ọvo hayo ivẹ.
Ole Avọ 78 (104) gbe olẹ ekuhọ.
Oka nọ O rọ March 11 Muhọ
Ole Avọ 164 (65)
5 min: Iwhowhovia obonẹ. Ahwo nọ a bi wuhrẹ obe kugbe ahwo a rẹ tudu họ ahwo kpokpọ nọ e be nyaharo evaọ obe uwuhrẹ Ebaibol rai awọ re a te ute iwhowho-uvie nọ e re họ-ame he. Esẹ gbe ini a sai fiobọhọ kẹ emọ rai re re a jọ iwhowho-uvie. Kiẹ edhere unọjọ utọjọ nọ a kere fihọ obe na Organized to Accomplish Our Ministry, ewẹ-ebe 97-100.
15 min: “Rehọ Emagazini Mai ru Emamọ Iruo.” T’ẹme no edhe-ẹme 13 rite 16 evaọ uko obeva na kugbe ogbotu na. Fiẹgba họ e ru omodawọ obọdẹ re a ghale Uwou-Eroro Na gbe Awake! evaọ April avọ May. Nọ a bi kporo emagazini na evaọ evẹrẹ sa-sa na, ma rẹ vuẹ ahwo nọ e be ta evẹrẹ efa inọ ma sae wha emagazini sai evaọ ẹvẹrẹ rai. Evaọ ẹkwotọ nọ a re ru kẹse kẹse, ẹghale emagazini mai o sae jọ edhere nọ ọ mai w’ẹgba evaọ ẹkọ isiuru, inọ emagazini na e be wha evuẹ ekpokpọ ze koka koka. Oria nọ ma jẹ ruẹ isiuru evaọ ozihebro, ru re a vi ebe. Ru re ahwo uviuwou a ru odhesẹvia, wọhọ epanọ a dhesẹ evaọ edhe-ẹme 13. Ere re, riobọ họ ezọhọfihọ jọ nọ i re fiobọhọ nọ a sai ro fi ebe họ ada buobu.
15 min: “Wo Erere No Isukulu Odibọgba Ọghẹnẹ Ọrọ 1996 na Ze—Abọ 3.” Ẹme nọ ọsẹro isukulu ọ rẹ ta. Tudu họ ahwo kpobi nọ a sae ru erei awọ re a kere odẹ rai je ru ẹkẹ ẹme rai gba kẹse kẹse. Dhesẹ vevẹ nọ i re su izi isase edẹ Ebaibol, wọhọ oghẹrẹ nọ e rọ obe ọ “All Scripture” na ewẹ-ebe 325, 326, edhe-eme 27, 28. Je dhesẹ nọ ekugbe ibieme “ch” evaọ edẹ na a re se ei gaga, wọhọ “k.” (Ajokpa evaọ Rachel, oria nọ “ch” o je do lọlọhọ.) [Enana yọ edhesẹ isase Oyibo.] Dhesẹ izi na ẹkwoma ekporo ekasẹte Ukoko-Ulogbo ọrọ oria Luk 3:23-38, ru ogbotu na re a rri lele Ebaibol rai.
10 min: “Emagazini ọ Hausa.” Ẹme nọ ọsẹro iruo usiuwoma ota ọ rẹ ta kugbe ogbotu na.
Ole Avọ 211 (68) gbe olẹ ekuhọ.
Oka nọ O rọ March 18 Muhọ
Ole Avọ 6 (4)
10 min: Iwhowhovia obonẹ. Iyẹrẹ epanọ igho e nya.
15 min: “Okokohọ Ubrotọ O Do Edo Awere!—Jiri Jihova Avọ Oghọghọ no Ẹdẹ te Ẹdẹ!” Enọ gbe iyo.
20 min: “Fiobohọ kẹ Amọfa re A wo Eriariẹ Nọ I re Su Kpohọ Uzuazọ.” Kiẹ idhesẹvia nọ a jiroro rai nọ a re fihọ iruo evaọ izihe bro. Ku odhesẹvia ọvo hayo ivẹ gbei. Tudu họ ai awọ re a mu ebe iwuhrẹ họ.
Ole Avọ 130 (58) gbe olẹ ekuhọ.
Oka nọ O rọ March 25 Muhọ
Ole Avọ 5 (28)
10 min: Iwhowhovia obonẹ. Kiẹ “Ọjọriẹ Ehaa Ekareghẹhọ” riwi. Dhesẹ oware nọ u ro wuzou re a kpohọ iẹe. (Rri Uwou-Eroro ọ February 15, 1985, ewẹ-ebe 18-20 [ọrọ Oyibo].) Kiẹ oma-iruo nọ a ti ro fiobọhọ kẹ enọ e kpako no, enọ i wo ẹgba ha, gbe ahwo kpokpọ re a ja riẹ. T’ẹme kpahe ọruẹrẹfihotọ iruo usiuwoma ota ọkẹkẹe evaọ etoke oka nana nọ ọ be tha na. Erei re, kiẹ ẹme na, “Oria nọ A je Dhesẹ Ọghọ kẹ Erara,” evaọ ewẹ-obe 32 evaọ Awake! ọ September 22, 1995.
15 min: “Obe Okpokpọ na U ru Eriariẹ Ọghẹnẹ Vevẹ.” Ẹmeọta enọ gbe iyo. Tudu họ ahwo na kpobi awọ re a riẹ eware nọ e rọ obe na re a sae rehiẹe ruiruo ziezi evaọ obọ otafe.
10 min: Ru Eware Kugbe Wọhọ Uviuwou. Ọsẹ ọ rẹ ta kẹ uviuwou riẹ kpahe ẹgwọlọ okugbe, nọ a rehọ no Uwou-Eroro ọ September 1, 1993 (ọrọ Oyibo), ewẹ-ebe 16-19. Tẹro muọ uwuhrẹ uviuwou na gbe iruo usiuwoma ota na. Riobọhọ oghẹrẹ nọ iviuwou ọgbọ na e be rọ raha fikinọ a be raha omoke kakao kugbe yọ a wo oware ovuovo kugbe he. Ewuhrẹ Ẹme Ọghẹnẹ kugbe gbe obọ wo kugbe evaọ odibọgba na yọ oghale rọ kẹ uviuwou Oleleikristi. Fiẹgba họ ẹgwọlọ nọ ọsẹ na ọ rẹ rọ ruẹrẹ eware enana họ ziezi gbe epanọ oni na o re ro fiobọhọ. Ufo re emọ a wo isiuru kpahe eware ẹzi, ruiruo kpekpekpe kugbe esẹ gbe ini. Uviuwou na o ti wo okugbe jẹ jọ gaga re a sae kiakọ evihọ ebẹbẹ eware akpọ na.
10 min: “Oma Oruẹrẹhọ—Usiavẹ kẹ Obọkparọ.” Enọ gbe iyo. Fodẹ nọ ma ti ru ahwo vi Uwou-Eroro na evaọ etoke April gbe May. Ruẹrẹ oma kpahe enẹna re who ti vi efa, rehọ obe uvi-ebe nọ a ri kere eme fihọ ha, je ru oma-iruo re who w’obọ kugbe ọruẹrẹfihotọ ukoko rọ kẹ Ẹdẹ Iruo Emagazini.
Ole Avọ 7 (111) gbe olẹ ekuhọ.