Iwuhrẹ Odibọgba Ọrọ April
Oka nọ O Rọ April 1 Muhọ
Ole Avọ 132 (70)
10 min: Iwhowhovia obonẹ. Salọ Iwhowhovia no Odibọgba Uvie Mai ze. Fodẹ iyẹrẹ nọ e viodẹ kpobi kpahe ehaa Ekareghẹhọ rai.
20 min: “Wo ‘Ajọwha kẹ Iruo Iwoma’ Evaọ April!” Enọ gbe iyo ro no edhe-ẹme 1-10 ze nọ ọsẹro iruo usiuwoma ota o re ru. Dhesẹ (1) oma-iruo nọ a ma kẹ iruo usiuwoma ota ilogbo evaọ April, (2) epanọ a sae ro fiobọhọ kẹ ahwo kpobi re a wo abọ, gbe (3) epanọ a sae ro ku ahwo ọkpokpọ gbe emaha kugbei.
15 min: “Gwọlọ Ahwo nọ I Wo Eva-Ezi Via.” Kiẹ iroro nọ a kẹ, je ru idhesẹvia ivẹ nọ i re dhesẹ epanọ a rọ rehọ ai ruiruo. Oke o tẹ riẹ, gbiku kpahe iroro jọ nọ a re ro fi emagazini họ ada, nọ a rẹ ruẹ evaọ Odibọgba Uvie Mai ọrọ March 1996, ẹwẹ-obe 5.
Ole Avọ 20 (57) gbe olẹ ekuhọ.
Oka nọ O Rọ April 8 Muhọ
Ole Avọ 72 (58)
15 min: Iwhowhovia obonẹ. T’ẹme kpahe uvi idhere nọ ma sai ro fiobọhọ kẹ ahwo ọkpokpọ nọ e nyaze ehaa Ekareghẹhọ na re a ru ẹnyaharo ẹzi. Kiẹ Uwou-Eroro ọ April 1, 1991, ewẹ-obe 9-12, (ọrọ Oyibo).
15 min: “Gọ Egagọ Efuafo Taso Tuvo.” Enọ gbe iyo. Se edhe-ẹme 5 gbe 6.
15 min: “Wo ‘Ajọwha kẹ Iruo Iwoma’ Evaọ April!” Enọ gbe iyo ro no edhe-ẹme 11-15 ze. Tudu họ ahwo na kpobi awọ re a kiẹ uvẹ obọ rai re a gwọlọ idhere nọ a sae ro ru bu vi ere evaọ iruẹru usiuwoma ota na.
Ole Avọ 113 (62) gbe olẹ ekuhọ.
Oka nọ O Rọ April 15 Muhọ
Ole Avọ 133 (68)
12 min: Iwhowhovia obonẹ. Iyẹrẹ epanọ igho e nya; fodẹ uyere nọ Ukoko-Ulogbo o vi ze fiki unevaze mai. Kareghẹhọ ogbotu na kpahe ovuẹ ogbotu obọdẹ evaọ April 21, avọ uzoẹme nọ o ta nọ “Kare Afuẹwẹ Evaọ Udevie Oge Ọgẹgẹle.” Tudu họ ai awọ re a fiobọhọ kẹ ahwo kpobi re a jariẹ.
15 min: “Oke U Nwene No.” Enọ gbe Iyo. Fi ẹgba họ ẹta usi Uvie na evaọ edhere nọ ọ rẹ rọ nyate ẹgwọlọ ologbo ahwo. Fodẹ eme-avro iviuwou gbe uyerakpọ nọ e rọ iroro ahwo buobu, wọhọ epanọ o rọ Uwou-Eroro ọ January 1, 1994, (ọrọ Oyibo) ẹwẹ-obe 22, 23.
18 min: “Ẹrọwọ O re Lele Oware nọ A Yo.” T’ẹme kpahe epanọ emagazini nọ a fihọ ada a sae rọ rehiẹe kọ isiuru nọ u re su kpohọ iwuhrẹ Ebaibol evaọ obe Eriariẹ na. Ru Odhesẹvia ivẹ hayo esa.
Ole Avọ 204 (109) gbe olẹ ekuhọ.
Oka nọ O Rọ April 22 Muhọ
Ole Avọ 6 (4)
15 min: Iwhowhovia obonẹ. Kiẹ igogo eme ovuẹ obọdẹ nọ a kẹ evaọ urere ẹkpoka nọ u kpemu na. Ta epanọ ohrẹ onana o sae rọ wọ ahwo nọ i wo isiuru re a dikihẹ ga kẹ egagọ uzẹme. Ofariẹ, tẹme fodẹ “Gbẹ Hai Viharo Evaọ Eriariẹ Egbagba,” je fi ẹgba họ epanọ u wuzou te re a kpohọ Obe Uwuhrẹ Ukoko na kẹse kẹse.
12 min: Ẹkpẹti Onọ. Ẹme nọ ọkpako o re ru. Dhesẹ oware nọ o wha riẹ ze nọ inievo nọ i bi ru ẹme evaọ iwuhrẹ na a jẹ whaha erivo ẹkwoma odẹ ọsosuọ ahwo nọ a re se.
18 min: Ẹme nọ ọkpako gbe odibo oruiruo a rẹ ta kugbe eva uzoẹme nọ o ta nọ “Iviuwou Ahwo Ọghẹnẹ Oke Anwae—Oriruo kẹ Edẹ Mai,” nọ a rẹ ruẹ eva Uwou-Eroro Na ọrọ September 15, 1995, ẹwẹ-obe 20-23 (ọrọ Oyibo). Dhesẹ epanọ ẹme na ọ sai ro fiobọhọ kẹ iviuwou nọ e rọ etenẹ.
Ole Avọ 143 (76) gbe olẹ ekuhọ.
Oka nọ O Rọ April 29 Muhọ
Ole Avọ 144 (35)
10 min: Iwhowhovia obonẹ. Ahwo jọ a re dhesẹ Isẹri Jihova wọhọ “otu nọ ọ hẹriẹ,” a tẹ be rehọ ere su amọfa thọ kpahe iruo gbe ẹjiroro mai. Rehọ obe ọ Reasoning na, ẹwẹ-obe 202 ruiruo, re who dhesẹ kpẹkpẹ epanọ a rẹ kpahe fihọ ota onana.
10 min: “Okuomagbe kẹ Usiuwoma Ota.” Enọ gbe iyo. Se edhe-eme na kpobi.
12 min: Ova O Rẹriẹ Ku Ẹkuotọ Mai Kpobi. Ẹme nọ ọsẹro iruo usiuwoma ota o re ru. A rẹ kaki ru eria nọ e rọ godogodo hayo thethabọ họ. Ahwo jọ a re keke aro fihọ siọ eria nọ edafe e rọ ba eruo hayo eria nọ ahwo a jọ wo ajọwha egagọ. A rẹ sai gbabọ kẹ ekuotọ nọ a rẹ jọ thueki. Iwhowho-uvie jọ a rẹ yare ekuotọ nọ e were rai kẹse kẹse viukpe ekuotọ nọ e gwọlọ iruo. Tudu họ ai kpobi awọ re a daoma ru ekuotọ nọ a ri ru hu. Ezi uvo na o rẹ kẹ emamọ uvẹ nọ a re ro ru eria ithethabọ; ẹsejọ a rẹ sae ru ọruẹrẹfihọ re imoto e wọ ejọ kpohọ eria ugbo thabọ. Jọ u muẹro nọ a ru ẹkuotọ na re ziezi, kugbe enọ e rọ uwou ho, taure a te ti zihe kpohiẹe. Dhesẹ ezọhọfihọ efa nọ i re fiobọhọ rọ kpahe epanọ ahwo kpobi a sai ro fiobọhọ ru ẹkuotọ rai re ziezi.
13 min: Ru Ahwo vi Uwou-Eroro Na Evaọ May. Whowho e vio Uwou-Eroro na. Oria nọ a jọ vi hi, fi ibroshọ kpobi nọ u fo họ ada. Muẹrohọ enọ a fihọ ada kpobi, avọ ẹjiroro emuhọ iwuhrẹ Ebaibol. Fi ẹgba họ irere ilogbo nọ a re wo eva emagazini e ghale wọhọ edhere nọ ọ rẹ mai ruiruo nọ a rẹ rọ wha usi Uvie na ro se ahwo obọ otafe. Jọ u mu omai ẹro nọ ma wo ejọ h’obọ nọ ma te bi kpohọ usiuwoma ota; fi ai họ ada evaọ uvẹ kpobi. Ọruẹrẹfihotọ Ẹdẹ emagazini omobọ ohwo koka koka yọ emamọ edhere nọ a re ro ru ebe i fi họ ada bu vrẹ ere. Iruo emagazini ọ no uye-eki ruọ uye-eki gbe isẹri ise iyẹrẹ i re wo ẹvi re. Rọ izihebro lele isiuru nọ ahwo dhesẹ nọ a re ro muọ ebe-iwuhrẹ họ, nọ a rẹ jọ rehọ obe Eriariẹ na ruiruo. Ru odhesẹvia ọkpẹkpẹ ọvo hayo ivẹ nọ a re ro fi ukere ekpokpọ họ ada, whọ sai rehọ idhesẹvia nọ e rọ Odibọgba Uvie Mai ọrọ March 1996, ẹwẹ-obe 3, edhe-ẹme 3-5 ro ruiruo.
Ole Avọ 195 (105) gbe olẹ ekuhọ.