Whowho Uvie Na
1 Eva Ahwo Hibru 10:23, a ta k’omai re ma “yọrọ ọrọwovia ẹruore mai na whawha.” Yọ ẹruore mai o roma hwa Uvie Ọghẹnẹ. Jesu o j’uzi inọ emamọ usi Uvie na a re whowho iei hrọ kẹ erẹwho na kpobi. (Mak 13:10) U fo re ma wo onana họ iroro nọ ma bi ru iruo odibọgba na.
2 Okenọ ma tẹ nyaku ahwo, ma rẹ daoma mu ẹme họ kpahe oware jọ nọ u wo isiuru hayo nọ u kpoma họ ae. Ma rẹ fodẹ eware nọ a riẹ kpahe ziezi, wọhọ emuemu evaọ okogho na, ebẹbẹ emoha, awaruọ epanọ a rẹ rọ rria uzuazọ, hayo ozighi evaọ eware akpọ. Nọ iroro ahwo buobu e rọ ‘awaruọ uzuazọ’ na, okenọ ma te dhesẹ nọ ma wo ọdawẹ jẹ riẹ otọ riẹ, ẹsibuobu ahwo a rẹ ta oware nọ o rọ iroro rai. (Luk 21:34) Onana o rẹ sae rovie uvẹ nọ ma rẹ rọ ghale ẹruore mai.
3 Ghele, otẹrọnọ ma gbẹ yọrọ oma ha, ẹmeọta na ọ rẹ sae whoma họ eware ifofe te epanọ ma gbẹ sai ru ẹjiroro iweze mai gba ha—re a whowho ovuẹ Uvie na. Dede nọ ma re si iroro kpohọ eyero oyoma nọ o be wha uye ze, ute mai họ re ma rẹriẹ iroro kpohọ Uvie na, nọ u ti ku ebẹbẹ ohwo-akpọ kpobi họ. Ma ghine wo ẹruore igbunu nọ u fo nọ ahwo a re yo kpahe vẹrẹ vẹrẹ. Fikiere nọ ma rẹ sae kake t’ẹme kpahe abọ ‘oke ogaga nọ o rẹ bẹ eyere’ na, u fo re ma t’ẹro vi ovuẹ ọsosuọ mai, “usiuwoma ebẹdẹ bẹdẹ” na. Evaọ edhere ọnana ma ti ro ru odibọgba mai gba vọvọ.—2 Tim. 3:1; 4:5; Evia. 14:6.