Iwuhrẹ Odibọgba Ọrọ October
Oka nọ O Rọ October 7 Muhọ
Ole avọ 47 (21)
10 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme kpahe iyẹrẹ iruo usiuwoma ota ọ July ọrọ orẹwho na gbe ọrọ ukoko na.
15 min: Ẹkpẹti Onọ. Ọsẹro iruo usiuwoma ota hayo ọkpako ọfa nọ o te ọ rẹ t’ẹme ovuẹ na kugbe ogbotu na.
20 min: “Ruẹrẹ Odhesẹvia Emagazini Obọra Họ.” (Edhe-ẹme 1-7) N’enọ no edhe-ẹme 1-4 ze, who ve ru idhesẹvia ivẹ hayo esa nọ i re dhesẹ epanọ a re ro fi emagazini ekpokpọ họ ada, ẹkwoma efihiruo ezọhọfihọ nọ e rọ edhe-eme 5-7. Kuọ eme nọ e rọ Uwou-Eroro Na ọrọ March 1, 1987, ẹwẹ-obe avọ 17, edhe-eme 8-9 gbei (ọrọ Oyibo).
Ole avọ 222 (119) gbe olẹ ekuhọ.
Oka nọ O Rọ October 14 Muhọ
Ole avọ 39 (16)
10 min: Iwhowhovia obonẹ. Dhesẹ epanọ a re ro mu ejẹ emagazini họ: (1) Kere emagazini kpobi nọ who fihọ ada họ otọ gbe uzoẹme nọ who dhesẹ, (2) ru ọruẹrẹfihọ re whọ wha ikere nọ e kẹle riẹ zihe, gbe (3) ruẹrẹ uzedhe oke họ evaọ oma-iruo ẹkpoka ra nọ who ti ro ru izihebro enana. Ru ohwo na vi emagazini ukpe ọvo. Otẹrọnọ o gbe vi hi, ru ei vi ọrọ emera ezeza jẹ kareghẹhọ niyẹrẹ ejẹ emagazini ọvuọvo wọhọ ozihebro.
15 min: “Ewhowho Emamọ Usi Oware nọ O Mai Woma.” Enọ gbe iyo. Riobọhọ obọdẹ izoẹme jọ nọ e roma via no evaọ Uwou-Eroro Na.—Rri Uwou-Eroro Na ọrọ March 1, 1987, ẹwẹ-obe avọ 13 (ọrọ Oyibo).
20 min: “Ruẹrẹ Odhesẹvia Emagazini Obọra Họ.” (Edhe-eme 8-11) Enọ gbe iyo. Kuọ ẹmeọta kpahe ezọhọfihọ ene evaọ Uwou-Eroro Na ọrọ January 1, 1994, gbei, ewẹ-obe avọ 24-25, edhe-eme 18-21 (ọrọ Oyibo). Nọ whọ be rehọ emagazini ukere October ruiruo na, dhesẹ epanọ a rẹ ruẹrẹ odhesẹvia họ: (1) Salọ uzoẹme nọ u ti wo isiuru evaọ ẹkwotọ ra, (2) gwọlọ ugogo-ẹme evawere nọ who re dhesẹ, (3) roro kpahe onọ nọ whọ rẹ sae ro si isiuru kpohọ ugogo-ẹme ọyena, (4) salọ ikereakere nọ who re se otẹrọnọ a k’owhẹ uvẹ, gbe (5) ruẹrẹ eme emuhọ ra gbe ẹme nọ whọ te ta kpahe emagazini na họ re whọ sae tudu họ ọnọ o wo uwou na re ọ rehiẹe. Ru re iwhowho-uvie ivẹ hayo esa a ru ọvuọvo odhesẹvia riẹ. Fi uzoge bae nọ o re dhesẹ efihọ-ada ọlọlọhọ emagazini.
Ole avọ 82 (63) gbe olẹ ekuhọ.
Oka nọ O Rọ October 21 Muhọ
Ole avọ 169 (57)
10 min: Iwhowhovia obonẹ. Iyẹrẹ epanọ igho e nya.
17 min: “Ru Ẹkwotọ Ra Ziezi.” T’ẹme kpahe uzoẹme na gbe ọruẹrẹfihọ ukoko na nọ a re ro ru eria ekiọthuọ. Zizie ogbotu na re a gbiku eware uduowha nọ a reawere rai okenọ a ru eria nọ a jẹ be zẹ eware nọ e rọ ẹkwotọ rai.
18 min: Ẹgwọlọ Ukoko Na. Hayo ẹme nọ ọkpako o re ru no uzoẹme ọ “Yọrọ Udufihọ Ra Whawha te Urere,” no Uwou-Eroro Na ọrọ May 1, 1996, ze ewẹ-obe 21-24 (ọrọ Oyibo).
Ole avọ 12 (40) gbe olẹ ekuhọ.
Oka nọ O Rọ October 28 Muhọ
Ole avọ 27 (7)
10 min: Iwhowhovia obonẹ. Avọ ehọlide obọ akpọ nọ o bi sikẹle evaọ December na, ẹsejọhọ o te k’ahwo uvẹ no iruo gbe isukulu, tudu họ ahwo kpobi awọ re a roro kpahe uvẹ nọ a rẹ rọ jọ ekobaro ubroke. Vuẹ ai kpobi re a niyẹrẹ iruo usiuwoma ota October rai evaọ urere oka ọnana.
20 min: “Epanọ A Re Ro Ru Uvẹ.” Enọ gbe iyo. Kuọ eme nọ erọ Uwou-Eroro Na ọrọ December 1, 1989, ewẹ-obe 16-17, edhe-eme 7-11, gbei (ọrọ Oyibo).
15 min: Kiẹ Ebe nọ A ti Fihọ Ada Evaọ November Riwi. A ti fi obe Eriariẹ na họ ada, yọ a ti ru omodawọ obọdẹ re a nya lele enọ a fihọ ada kpobi, avọ ẹjiroro emuhọ iwuhrẹ Ebaibol. Iwhowho-uvie ivẹ hayo esa nọ i te a rẹ t’ẹme kpahe aghare obe na gbe epanọ a rẹ rehiẹe ruiruo. Evuẹ nọ e riẹ eva i duobọhọ izuazọ ahwo eyero koria koria kpobi. U dhobọ te izoẹme Ebaibol nọ i wuzou gbe ehri izi nọ u fo nọ ahwo kpokpọ a wo otoriẹ rai taure a tẹ te họ-ame. Otẹrọnọ ma ru uwuhrẹ na nyaharo owowa, ọmọ-uwuhrẹ na o re ru ẹnyaharo kpatakpata. T’ẹme kpahe je dhesẹ epanọ a re ro mu uwuhrẹ họ ẹkwoma efihiruo ọnyaruọ ovavo: Kiẹ ifoto gbe uzoẹme nọ e rọ ewẹ-obe 4-5 na riwi; dhesẹ epanọ ma re ru ewuhrẹ mai; t’ẹme kpẹkpẹe kpahe edhe-eme isoi ọsosuọ evaọ uzou 1; fi oke họ nọ who re ro zihe oke ọfa re wha gbẹ t’ẹme na haro, re whọ kẹ uyo onọ na, Kọ uzuazọ ebẹdẹ bẹdẹ yọ ewezẹ gheghe? Fiẹgba họ oghọghọ nọ u re lele uvẹ eruo obe uwuhrẹ Ebaibol.
Ole avọ 162 (89) gbe olẹ ekuhọ.