Iwuhrẹ Odibọgba Ọrọ November

Oka nọ O Rọ November 4 Muhọ

Ole avọ 29 (11)

10 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme te iyẹrẹ usiuwoma ota ọ July orọ orẹwho na gbe orọ ukoko na.

15 min: “Kọ Whọ be Yọrọ Ẹme Ọghẹnẹ Ziezi?” Enọ gbe iyo. Jẹ t’ẹme kpahe “Eware nọ e soriẹ nọ a je roro kpahe Ebaibol na,” no obe Reasoning na ze, ewẹ-obe 58-60.

20 min: “Onana Họ Uzuazọ Ebẹdẹ Bẹdẹ.” (Edhe-ẹme 1-5) Nọ whọ tẹ rehọ edhe-ẹme 1 muhọ kpẹkpẹe no, ru re iwhowho-uvie ivẹ nọ i te a ru odhesẹvia eme nọ e rọ edhe-eme 2-5 na. Fiẹgba họ ute emuhọ uwuhrẹ Ebaibol.

Ole avọ 128 (58) gbe olẹ ekuhọ.

Oka nọ O Rọ November 11 Muhọ

Ole avọ 40 (60)

10 min: Iwhowhovia obonẹ. Fodẹ ọruẹrẹfihotọ usiuwoma ota ọ urere ẹkpoka ọnana.

20 min: Fikieme Whọ jẹ kẹ Jihova Okẹ? Ẹmeọta kugbe nọ ekpako ivẹ a re ru, a ve ru igogo-eme nọ e rọ uzoẹme Uwou-Eroro Na, ọrọ November 1, 1996 (ọrọ Oyibo), ewẹ-ebe 28-31 vevẹ. Hayo ọkpako ọ sae rọ evuẹ efa ru ẹme.

15 min: “Onana Họ Uzuazọ Ebẹdẹ Bẹdẹ.” (Edhe-eme 6-8) T’ẹme kpahe erere nọ ọ rọ ọnyabro ovavo evaọ emuhọ iwuhrẹ. Ru re iwhowho-uvie ivẹ nọ i wo eriariẹ a dhesẹ eme nọ e rọ edhe-eme 6-7. Zizie ogbotu na re a fodẹ okenọ a ro mu uwuhrẹ họ evaọ iweze ọsosuọ. Nọ a fodẹ uwuhrẹ Ebaibol ovavo kẹe, ọzae jọ ọ tẹ kuyo nọ: “E. Rueva. O te were omẹ re a wuhrẹ kugbe omẹ.” A te mu uwuhrẹ na họ kugbei, uviuwou riẹ kpobi a tẹ keria kẹ uwuhrẹ na evaọ oka ọfa riẹ, yọ u kri hi aikpobi a te muọ ewuhrẹ họ ẹnya je mu usiuwoma họ ẹta. Tudu họ ahwo na kpobi awọ re a wha uko obeva Odibọgba Uvie Mai ọrọ June 1996 ziọ Ewuhrẹ Odibọgba oka notha.

Ole avọ 129 (66) gbe olẹ ekuhọ.

Oka nọ O Rọ November 18 Muhọ

Ole avọ 140 (77)

10 min: Iwhowhovia obonẹ. Iyẹrẹ epanọ igho e nya.

15 min: “Ma Wo Owha-Iruo Usiuwoma Ota.” Enọ gbe iyo. T’ẹme kpẹkpẹe kpahe edhe-eme 13-16 evaọ Uwou-Eroro Na ọrọ January 1, 1988 (ọrọ Oyibo), ewẹ-obe 28-29.

20 min: Ru Obe Uwuhrẹ Ebaibol nọ O Rẹ Nyaharo. Ẹme nọ ọsẹro iruo usiuwoma ota o re ru. Ma rehọ obe Eriariẹ na ru uwuhrẹ Ebaibol anwọ ole ukpe ovo no. Ẹsejọ emọ-iwuhrẹ jọ a wuhrẹ obe na re no, yọ ejọ a wuhrẹ i riẹ thabọ no. A tudu họ omai awọ re ma rẹriẹ ovao ku eruo iwuhrẹ nọ i re fiobọhọ kẹ ahwo ekpokpọ wuhrẹ uzẹme na vẹrẹ vẹrẹ, re a fi ei họ iruo evaọ izuazọ rai, re a jẹ jọ abọ ukoko na. Uko obeva Odibọgba Uvie Mai ọrọ June 1996 ọ kẹ emamọ ezọhọfihọ nọ i re fiobọhọ k’omai wo ẹgba wọhọ iwuhrẹ. Kiẹ riwi kpẹkpẹe eware jọ nọ ma rẹ sai ru re ma wuhrẹ emọ-iwuhrẹ mai ziezi, nọ e rọ edhe-eme 3-13 ọrọ ukere ọyena. Ofariẹ, rẹriẹ ovao ku oware nọ u fo nọ a re ruẹ re a fiobọhọ kẹ ai dikihẹ ziezi, nọ e rọ edhe-eme 14-22. Se edhe-eme 15, 17, 20-21. Kiẹ iyẹrẹ iwoma jọ riwi nọ i dhesẹ epanọ iwhowho-uvie jọ evaọ ukoko na a rọ ruẹ emamọ iyẹrẹ no. Tudu họ ibuobu awọ re a wo abọ evaọ iruo ewuhrẹ Ebaibol na.

Ole avọ 85 (44) gbe olẹ ekuhọ.

Oka nọ O Rọ November 25 Muhọ

Ole avọ 46 (20)

5 min: Iwhowhovia obonẹ.

10 min: Ẹkpẹti Onọ. Ẹmeọta kugbe ogbotu.

18 min: “Whowho Emamọ Usi na Avọ Aruọwha.” Enọ gbe iyo a re ro ru ẹme na. Se edhe-eme na epanọ oke o rọ te.

12 min: Kiẹ Ebe nọ A ti Fihọ Ada Evaọ December Riwi. Fi obe ọ Greatest Man hayo Obe Ikuigbe Ebaibol Mẹ họ ada. Evaọ efihọ ada obe ọ Greatest Man, riobọ kpohọ uzou avọ 35 evaọ otọ uzoẹme ọ “Amono A Ghine Wo Evawere?” Riobọ kpohọ uzẹme na nọ nẹnẹ ohwo kpobi ọ gwọlọ wereva. Rekọ fikieme eva e gbẹ be were ibuobu hu? Eme o thọ? Avọ efihiruo eme nọ e rọ uzoẹme nana, dhesẹ inọ evawere uzẹme o roma hwa (1) osegboja ẹgwọlọ ẹzi ohwo, (2) ewo udu oruọzewọ jẹ roma kpotọ, gbe (3) eyo Ẹme Ọghẹnẹ gbe eruo ẹme na. Fodẹ ẹruore obaro ufuoma rọ kẹ ahwo nọ i ghine se ẹgwọlọ ẹzi rai gb’oja. Riobọ kpohọ uzou avọ 133 je se Luk 23:43, dhesẹ nọ ahwo ikiẹrẹe a te rria bẹdẹ bẹdẹ kẹle evaọ aparadase nọ a zihe ze no. Ru odhesẹvia ọkpẹkpẹe, avọ efihiruo eme nọ a dhesẹ fihọ etenẹ na. Evaọ oria nọ a jo dhesẹ isiuru kpobi, a rẹ daoma re a ru ozihebro.

Ole avọ 180 (100) gbe olẹ ekuhọ.