Iwuhrẹ Odibọgba Ọrọ February

Oka nọ O Rọ February 3 Muhọ

Ole avọ 27 (7)

10 min: Iwhowhovia obonẹ. Salọ Iwhowhovia no Odibọgba Uvie Mai ze. Kiẹ “Ọruẹrẹfihotọ Ẹdẹ Okokohọ Obọdẹ Kpokpọ” na riwi.

15 min: “W’Abọ Evaọ Iruo nọ A te Wariẹ Ru Vievie He Na.” Enọ gbe iyo. Nọ oke o tẹ riẹ, ku igogo-eme no “Gbẹ Hai Roro—Ẹvẹ?” evaọ obe ọ Proclaimers ẹwẹ-obe avọ 714-715 gbei.

20 min: “Ewhowho Emamọ Usi na Avọ Iroro ọ Ovẹrẹ.” (Edhe-ẹme 1-5) Nọ whọ tẹ t’ẹme kpẹkpẹe kpahe edhe-ẹme 1 no, oniọvo nọ o wo ẹme na ọ vẹ t’ẹme kpahe edhe-eme 2-5 kugbe iwhowho-uvie ivẹ hayo esa. A vẹ kiẹ eme nọ i wuzou evaọ idhesẹvia nọ a dhesẹ na riwi a vẹ t’ẹme kpahe oware nọ enana hayo epanọ idhesẹvia efa nọ e wọhọ enana e sai ro w’ẹgba evaọ ẹkwotọ na. Iwhowho-uvie na a vẹ rehọ un’ọjọ ut’ọjọ wuhrẹ idhesẹvia na. Ọnọ o wo ẹme na ọ vẹ kẹ ujiro, jẹ fodẹ idhere nọ a re ro ru ai mai w’ẹgba. Ọ vẹ nọ ogbotu na kpahe idhere nọ a sae rọ nyate ute emuhọ ebe iwuhrẹ. Ọ vẹ kẹ uzedhe ẹjiroro kpahe epanọ a sae ro mu ewuhrẹ họ uwhremu na evaọ obe Eriariẹ na.

Ole avọ 34 (8) gbe olẹ ekuhọ.

Oka nọ O Rọ February 10 Muhọ

Ole avọ 29 (11)

7 min: Iwhowhovia obonẹ. Fodẹ igogo-eme isiuru evaọ emagazini ekpokpọ na nọ a rẹ sai fihọ iruo evaọ usiuwoma ota evaọ oka onana. Usi Iruo Uvie.

10 min: “Ewhowho Emamọ Usi na Avọ Iroro ọ Ovẹrẹ.” (Edhe-eme 6-8) Ru idhesẹvia nọ e rọ edhe-eme 6-7 na. Fiẹgba họ ẹgwọlọ nọ a re ro ru ozihebro evaọ oria nọ a jọ dhesẹ isiuru.

28 min: “Ma Gwọlọ—Ekobaro Ubroke 30,000.” Ọsẹro iruo usiuwoma ota na ọ rẹ rehọ enọ gbe iyo ru ẹme na. Ru ẹkpẹti nọ ọ rọ ẹwẹ-obe avọ 3 na vevẹ. Kiẹ oma-iruo oriruo nọ o rọ ẹwẹ-obe avọ 6 na riwi. U fo re owhowho-uvie kpobi nọ ọ họ-ame no ọ jiroro kẹ omobọ riẹ avọ olẹ sọ ọ sae fi obe họ kẹ amara ọvo hayo bu vi ere dede. Iwhowho-uvie nọ e re họ-ame he a rẹ sae kẹre abọ o wo rai haro evaọ odibọgba na ẹkwoma ute nọ a re fihọ euwa rai kamara kamara.

Ole avọ 43 (64) gbe olẹ ekuhọ.

Oka nọ O Rọ February 17 Muhọ

Ole avọ 30 (18)

10 min: Iwhowhovia obonẹ. Iyẹrẹ epanọ igho e nya.

13 min: “Ekareghẹhọ Na—Ehaa nọ U Wuzou Gaga!” Enọ gbe iyo. Kẹ uduotahawọ re a ru amara March soso họ obọdẹ ẹkwoma iruo ọkobaro ubroke nọ a re ru. T’ẹme te e ro ruiruo ebe uzizie ehaa Ekareghẹhọ.

22 min: Emuhọ Ebe Iwuhrẹ Ebaibol. Evaọ emerae nọ i kpemu na, a fi idu ebe ikokoli họ ada no. Onana u re ru ei lọhọ nọ a jẹ sai mu ebe uwuhrẹ Ebaibol họ. Kiẹ eware nọ a rugba riwi evaọ ebe ikokoli gbe ebe efa nọ a fihọ ada evaọ ukoko ra. Tudu họ iwhowho-uvie kpobi awọ re a nya lele isiuru kpobi. Ru re iwhowho-uvie sa-sa a gbiku uzedhe omodawọ nọ o gwọlọ evaọ abọ rai re a mu ebe uwuhrẹ Ebaibol họ. Fiẹgba họ inọ abọ nọ ọ mai wuzou evaọ iruo mai họ re ma ru ilele. (Mat. 28:19, 20) Ma rẹ sai ru onana ziezi otẹrọnọ ma daoma fi ezọhọfihọ nọ e rọ uko obeva Odibọgba Uvie Mai ọrọ June 1996 na họ iruo.

Ole avọ 47 (21) gbe olẹ ekuhọ.

Oka nọ O Rọ February 24 Muhọ

Ole avọ 32 (10)

18 min: Iwhowhovia obonẹ. Whowho edẹ ahwo nọ a ti ru iruo ọkobaro ubroke na evaọ March. Dhesẹ nọ u ri lehie ga hrọ họ re a fi obe họ. Tudu họ ahwo kpobi awọ re a w’abọ vọvọ evaọ usiuwoma ota evaọ Ẹdẹ-Ọmaha, March 1. Fodẹ ọruẹrẹfihotọ ọfa nọ a bi ru evaọ ukoko na kpahe omakugbe kẹ usiuwoma ota obọ otafe evaọ amara na. Roma totọ kiẹ Ẹkpẹti Onọ na riwi.

12 min: “Kọ Ẹvẹ Kpahe Imoni Ra?” Ọzae avọ aye a rẹ rehọ uzoẹme na t’ẹme kugbe a vẹ jiroro epanọ a te rọ wha emamọ usi na bru imoni rai nọ e rọwo ho.—Rri Uwou-Eroro Na, February 15, 1990 (ọrọ Oyibo), ewẹ-ebe 25-27.

15 min: Kiẹ Ebe nọ A ti Fihọ Ada Evaọ March Riwi—Edidi Evawere Uviuwou. T’ẹme kpẹkpẹe kpahe oware nọ o soriẹ nọ iviuwou e jẹ be raha evaọ oke mai nana. (Rri Uwou-Eroro Na, October 15, 1992 [ọrọ Oyibo], ewẹ-ebe 4-7.) Kiẹ eware nọ e rọ evaọ obe na riwi, evaọ ẹwẹ-obe avọ 3. Zizie ogbotu na re a salọ izou nọ a sai ro ru odhesẹvia. Riobọhọ etehe ewuhrẹ obufihọ nọ o roma via evaọ ukuhọ uzou ovuovo. Ru re owhowho-uvie nọ o te ziezi o dhesẹ epanọ a re fi obe na họ ada. Kareghẹhọ ahwo na kpobi re a dẹ ọnọ a re ro ruiruo evaọ urere oka onana.

Ole avọ 48 (28) gbe olẹ ekuhọ.