Iwuhrẹ Odibọgba Ọrọ March
Oka nọ O Rọ March 3 Muhọ
Ole avọ 53 (27)
15 min: Iwhowhovia obonẹ. Salọ Iwhowhovia no Odibọgba Uvie Mai ze. Tudu họ ahwo kpobi awọ re a mu ahwo nọ i wo isiuru họ ezizie ze ehaa Ekareghẹhọ na evaọ March 23. Dhesẹ obe uzizie ehaa Ekareghẹhọ na, jẹ ta kẹ ahwo kpobi re a mi ọrai je mu ai họ ẹghale evaọ oka onana.
10 min: ‘Obufihọ Evaọ Ẹruoke.’ Si iroro kpohọ uzoẹme na, je dhesẹ eware nọ i wo aghare no obe okpokpọ ọvuọvo ze.
20 min: “Obọfihọ kẹ Iviuwou re A Gbobọkru Obaro nọ O rẹ Tọ.” (Edhe-eme 1-5) T’ẹme kpẹkpẹe kpahe edhe-ẹme 1, jẹ t’ẹme kpahe epanọ a sae rọ bọ isiuru họ obe Evawere Uviuwou na ẹkwoma e ro ruiruo izou-eme na, emamọ ifoto na, gbe itehe ọkiẹriwo na. Ru re iwhowho-uvie nọ i te ziezi a ru idhesẹvia nọ e rọ evaọ edhe-eme 2-5. Tudu họ ahwo kpobi awọ re a daoma ziezi re a fi obe na họ ada kẹ iviuwou nọ e kaki dhesẹ isiuru no vẹre.
Ole avọ 71 (91) gbe olẹ ekuhọ.
Oka nọ O Rọ March 10 Muhọ
Ole avọ 56 (33)
10 min: Iwhowhovia obonẹ. Kiẹ “Ọjọriẹ Ehaa Ekareghẹhọ” riwi. Kareghẹhọ ahwo kpobi re u mu ae ẹro nọ a nya lele oma isase Ebaibol Ekareghẹhọ na orọ March 18-23, wọhọ epanọ a m’oma riẹ fihọ Examining the Scriptures Daily na.
20 min: “Hẹ Kẹ Uyere.” Enọ gbe iyo. U fo re ahwo kpobi a daoma ziezi re a zizie emọ-uwuhrẹ Ebaibol, ahwo nọ i wo isiuru, ahwo uviuwou nọ i wo evawere, gbe inievo emezae gbe inievo emetẹ kpobi nọ i kru ukoko na ga ha re a jariẹ evaọ Ekareghẹhọ na. Odhesẹvia ọkpẹkpẹe ọrọ owhowho-uvie nọ o bi zizie ohwo nọ o wo isiuru ziọ Ekareghẹhọ na, avọ efihiruo omobe-uzizie Ekareghẹhọ na. Ta eme efa no Uwou-Eroro Na, July 1, 1988 (ọrọ Oyibo), ẹwẹ-obe avọ 11, edhe-eme 16-17 ze. Tudu họ ahwo kpobi awọ nọ e rẹ sae ru ere re a jọ ọkobaro ubroke evaọ April gbe May.
15 min: “Obọfihọ kẹ Iviuwou re A Gbobọkru Obaro nọ O rẹ Tọ.” (Edhe-eme 6-8) Kẹ ezọhọfihọ jọ nọ i dhesẹ epanọ a re ro fi obe ọ Evawere Uviuwou na họ ada okenọ a bi sisẹri ọnyakuo evaọ iruo, evaọ isukulu, evaọ oria nọ imoto e rẹ kpahe, hayo evaọ ofa-edhere ogbotu, gbe okenọ ma bi weze bru imoni. Ru re owhowho-uvie nọ o te o ru odhesẹvia evaọ edhe-ẹme avọ 6 gbe ọrọ avọ 7. U fo nọ ẹmeọta na evaọ ozihebro o fiobọhọ kẹ ohwo na vuhu epanọ uwuhrẹ Ebaibol u re fiẹgba họ ọgba-kugbe uviuwou mu. A re ru iwuhrẹ evaọ ibroshọ na Eme Ọghẹnẹ Ọ Gwọlọ Mi Omai?, avọ ute enwene kpohọ obe Eriariẹ na, hayo a rẹ sae mu uwuhrẹ na họ evaọ obe Eriariẹ na omariẹ.
Ole avọ 72 (92) gbe olẹ ekuhọ.
Oka nọ O Rọ March 17 Muhọ
Ole avọ 63 (32)
15 min: Iwhowhovia obonẹ. Iyẹrẹ epanọ igho e nya. Dhesẹ oma ọruẹrẹfihotọ ehaa Ekareghẹhọ ukoko na. U fo re ahwo kpobi a m’oma urere rai re a fiobọhọ kẹ emọ-uwuhrẹ Ebaibol gbe ahwo nọ i wo isiuru re a jariẹ.
15 min: Ẹgwọlọ ukoko na. Hayo ọkpako ọ rẹ t’ẹme kpahe “Kọ O Ghinẹ Gwọlọ nọ Who re Wounu?” no Uwou-Eroro Na, September 15, 1996 (ọrọ Oyibo), ewẹ-obe 22-24 ze.
15 min: ‘Bọ Uviuwou Ra Ga.’ Enọ gbe iyo. Fi iku eware nọ e via evaọ 1995 Yearbook, ẹwẹ-obe avọ 228 gbei.
Ole avọ 75 (28) gbe olẹ ekuhọ.
Oka nọ O Rọ March 24 Muhọ
Ole avọ 67 (38)
9 min: Iwhowhovia obonẹ. Dhesẹ nọ u ri lehie ga hrọ họ re a fi obe họ kẹ iruo ọkobaro ubroke evaọ April. Dhesẹ eruẹrẹfihotọ efa nọ a bi ru evaọ obonẹ kẹ okuomagbe kẹ usiuwoma ota evaọ amara na.
24 min: “Wo Udu Re Who Ru Izihebro.” (Edhe-eme 1-20) Enọ gbe iyo. Ru odhesẹvia kpẹkpẹe kpahe edhe-ẹme avọ 16.
12 min: Obọfihọ kẹ Owhowho-Uvie Kpokpọ Re O Muhọ. Kiẹ uko obeva Odibọgba Uvie Mai riwi ọrọ June 1996 edhe-ẹme avọ 19. Dhesẹ epanọ owhowho-uvie nọ o te ọ be rọ ruẹrẹ ọmọ uwuhrẹ Ebaibol họ ọnọ ekpako na a jẹrehọ obọ re ọ jọ owhowho-uvie nọ ọ te họ-ame he. A be kiẹ obe ọ Our Ministry kugbe, ẹwẹ-obe avọ 111, edhe-ẹme avọ 2. Owhowho-uvie nọ o wo ona na o bi dhesẹ oware nọ a rẹ sae nyaku okenọ a te bi w’abọ evaọ isẹri-ise ọ n’uwou ruọ uwou gbe nọ u fo re oma o lọhọ ohwo ho otẹrọnọ ahwo buobu a gbẹ gaviezọ họ. Owhowho-uvie o ve gbiku uduowha oware nọ o via nọ u dhesẹ oghọghọ nọ o rẹ roma via okenọ ma te duku ohwo evezi nọ ọ te gaviezọ. Ai mava, a vẹ ruẹrẹ odhesẹvia emagazini ọkpẹkpẹe họ kugbe a ve je rue ei. A vẹ kẹ uduotahawọ je ru uzedhe ọruẹrẹfihotọ re a w’abọ evaọ usiuwoma ota kugbe evaọ oka onana.
Ole avọ 89 (49) gbe olẹ ekuhọ.
Oka nọ O Rọ March 31 Muhọ
Ole avọ 70 (39)
15 min: Iwhowhovia obonẹ. Zizie ahwo nọ i wo isiuru kpobi re a ziọ ovuẹ ogbotu obọdẹ eva April 6. Kareghẹhọ ahwo kpobi re a niyẹrẹ usiuwoma ota rai ọrọ March. Whowho edẹ ahwo kpobi nọ i bi ruiruo ọkobaro ubroke na evaọ April. Kiẹ Ẹkpẹti Onọ riwi.
20 min: “Wo Udu Re Who Ru Izihebro.” (Edhe-eme 21-35) Enọ gbe iyo. Kiẹ etehe nọ ọ rọ ẹwẹ-obe avọ 3 riwi. Tudu họ ahwo kpobi awọ re a kele ozihebro kpobi nọ a ru evaọ etoke amara na okenọ a tẹ be niyẹrẹ usiuwoma ota rai.
10 min: Kiẹ Ebe nọ A ti Fihọ Ada Evaọ April Riwi. Ru ahwo vi Uwou-Eroro. A gbẹ rọ vi hi, fi ubi ovuovo Uwou-Eroro Na gbe Awake! họ ada. Gbiku kpẹkpẹe kpahe ezọhọfihọ epanọ a rẹ rọ ruẹrẹ odhesẹvia emagazini fihọ nọ o roma via evaọ Odibọgba Uvie Mai ọrọ October 1996 edhe-eme 3, 4, gbe 8 evaọ ẹwẹ-obe avọ 8. Ru re iwhowho-uvie ivẹ a ru odhesẹvia ọkpẹkpẹe ọvo hayo ivẹ. U fo re iwhowho-uvie a kere ahwo nọ a rehọ emagazini fihotọ je ku ai gbe ejẹ emagazini rai.
Ole avọ 92 (51) gbe olẹ ekuhọ.