Iwuhrẹ Odibọgba Ọrọ November
Oka nọ O rọ November 3 Muhọ
Ole avọ 48
10 min: Iwhowhovia obonẹ. Salọ Iwhowhovia no Odibọgba Uvie Mai ze. “Emamọ Usi Evaọ Internet Na.” T’ẹme kpahe iyẹrẹ usiuwoma ota July ọrọ orẹwho na gbe ọrọ ukoko na.
15 min: “Ẹthẹ Iruo Ọkẹkẹe O Rovie Fihọ.” Ẹme nọ ọkpako o re ru, kugbe ọtakugbe ogbotu. Tudu họ ahwo nọ oma o kẹ uvẹ kpobi awọ re a wabọ ziezi evaọ iruo usiuwoma ota na. Fodẹ ohrẹ jọ nọ a kẹ evaọ Uwou-Eroro ọ August 15, 1988 (ọrọ Oyibo), ẹwẹ-obe avọ 22.
20 min: “Nya Lele Isiuru Evaọ Usi Uvie Na.” Enọ gbe iyo. Ru odhesẹvia ẹjiroro nọ a kẹ evaọ edhe-ẹme avọ 6. Evaọ ọvo rai jọ, dhesẹ uwuhrẹ Ebaibol nọ a muhọ.
Ole avọ 144 gbe olẹ ekuhọ.
Oka nọ O rọ November 10 Muhọ
Ole avọ 51
10 min: Iwhowhovia obonẹ. Vuẹ ukoko na kpahe ẹkwotọ nọ o kiọkọ nọ a rẹ rehọ Usi Uvie ọrọ Avọ 35 na nyate. Tuduhọ ahwo na kpobi awọ re a w’abọ vọvọ evaọ oka urere onana ọrọ obọdẹ usi ovravra na.
15 min: Ẹgwọlọ ukoko na.
20 min: “Fiobọhọ kẹ Erivẹ-Orọo nọ E rọ Isẹri Hi.” Ẹme nọ ekpako ivẹ a rẹ ta enọ i wo ọdawẹ kpahe ẹriẹ ọrivẹ-orọo nọ ọ rọ ukoko ho. A rẹ jẹ t’ẹme te ẹjiroro nọ a kẹ evaọ Uwou-Eroro ọ May 15, 1989 (ọrọ Oyibo), ẹwẹ-obe avọ 17-18, edhe-ẹme avọ 6-9. Ku eware nọ e via gbei evaọ Uwou-Eroro ọ October 1, 1995 (ọrọ Oyibo), ẹwẹ-obe avọ 10-11, edhe-eme 11-12.
Ole avọ 148 gbe olẹ ekuhọ.
Oka nọ O rọ November 17 Muhọ
Ole avọ 53
10 min: Iwhowhovia obonẹ. Iyẹrẹ epanọ igho e nya. Fodẹ ọruẹrẹfihotọ usiuwoma ota evaọ urere oka onana. Fodẹ eware jọ nọ e via evaọ usi ovravra Usi Uvie ọrọ Avọ 35 ukoko na.
20 min: Mi Obọdẹ Uvẹ Onana! Ẹme nọ o no Uwou-Eroro ọ November 15, 1996 ze (ọrọ Oyibo), ẹwẹ-obe avọ 21-23.
15 min: “Eme Mẹ te Ta?” Ẹmeọta ogbotu. Se edhe-ẹme ọsosuọ evaọ ẹwẹ-obe avọ 8 ọrọ obe ọ Reasoning na, fodẹ oghẹrẹ nọ a rọ ruẹrẹ obe na họ re u fiobọhọ k’omai se isẹri ziezi evaọ izoẹme Ebaibol sa-sa. Rehọ idhesẹvia ọvo hayo ivẹ jọ nọ a ruẹrẹ kpahe ziezi ro dhesẹ iẹe.
Ole avọ 151 gbe olẹ ekuhọ.
Oka nọ O rọ November 24 Muhọ
Ole avọ 56
8 min: Iwhowhovia obonẹ.
15 min: Emamọ Uruemu eva Uwuhrẹ Obe Ukoko na. Ma wo ovuhumuo unevaze iviuwou enọ i siobọno iwou rai kẹ obe uwuhrẹ ukoko na. Onana u kugbe oma ruẹrẹ kpahe gbe idhọvẹ. Nọ ma te bi kpohọ iwuhrẹ na, ma re dhesẹ emamọ uruemu je dhesẹ adhẹẹ gbe ororokẹ, enọ i re kugbe eware enana: (1) Ma re ririe awọ mai ziezi re ma tẹ rueva uwou na, re ma whaha ekpẹ nọ ma rẹ wha fihọ uwou hayo ekapẹte na. (2) Esẹ gbe ini a rẹ kpọ emọ rai, u re mu ai ẹro nọ a roma kpotọ ziezi a vẹ jẹ daji oria nọ a bi jo ru uwuhrẹ na. (3) Nọ utu na o rẹ sae jọ kakao yọ ohwo ọ riẹ ohwo ọdekọ na, onana yọ uwuhrẹ ukoko yọ ma rẹ g’ẹgọ epanọ ma rẹ gọ kpohọ Ọgwa Uvie na. (4) Omakugbe eva okenọ uwuhrẹ na o tẹ fa no o rẹ jọ kpẹkpẹe re enọ i wo uwou na a wo uvẹ k’omarai. (5) Nọ uviuwou oria nọ wha bi jo ru uwuhrẹ na o rẹ sae jiroro ẹsejọ re a fi um’udi hayo em’emu jọ h’otọ nọ uwuhrẹ na u te kuhọ no na, ahwo kpobi a rẹ riẹ nọ a re rẹro onana ha hayo kọ u du gwọlọ nọ a ru ei hi.
22 min: Ru Ilele, Wuhrẹ Ai. Ọkpako ọ rẹ rehọ ẹme na t’ẹme kugbe iwhowho-uvie esa hayo ene, kiyo kẹ enọ nọ e rọ obe ọ Our Ministry na, ẹwẹ-obe avọ 88-92: (1) Fikieme eruo izihebro i je wuzou kẹ odibọgba obọdẹ? Ẹvẹ ohwo ọ rẹ sae rọ nyate use-abọ ọrọ iruo ozihebro na? (2) Fikieme ma jẹ be ta ẹsikpobi kpahe emuhọ iwuhrẹ Ebaibol? Ẹvẹ ma sai ro wo ona evaọ eruo iwuhrẹ? (3) Fikieme u je wuzou re ma kpọ ova emọ-iwuhrẹ ziọ ukoko na? Ẹvẹ ma sai ro ru onana? Enọ e keria na a rẹ kpahe ẹme fihọ epanọ uko obeva Odibọgba Uvie Mai ọrọ June 1996 gbe March avọ April 1997 i fiobọhọ no evaọ abọ nana.
Ole avọ 160 gbe olẹ ekuhọ.